प्रधानमंत्री सुरुज घर मुफ्त बिजली योजना ले बदलत हे जिंदगी

रायगढ़ म उपभोक्ता बनत हें ऊर्जा उत्पादक – बचत घलोक, कमाई घलोक
बिजली के बिल होइस तइहा के गोठ, सूरज के रोशनी बनिस आत्मनिर्भरता के जरिया
रायपुर, सूरज के किरण अब केवल जीवनदायिनी शक्ति ही न ही, बल्कि आत्मनिर्भरता अऊ आर्थिक मजबूती के नवा स्रोत घलोक बन गे हे। प्रधानमंत्री सुरुज घर मुफ्त बिजली योजना ह आम उपभोक्ता मन ल ऊर्जा उपभोक्ता ले ऊर्जा उत्पादक बना देहे हे। रायगढ़ जिला म ये योजना सैकड़ों परिवार मन के जीवन ल नवा अंजोर देवत हे। अब तक जिला म 300 ले जादा घर मन के छत म सौर पैनल लग गए हे। ए योजना के लाभ उठाने वाले परिवार मन के अनुभव ही एखर असली सफलता के कहानी बताथे।
लोहरसिंह गांव के ईश्वर प्रसाद नायक ह बताइस के 3 किलोवॉट के सोलर प्लांट लगाय के बाद अपरेल म 267 यूनिट बिजली उत्पन्न होइस। ओ ल 577 रुपिया के छूट मिलीस। मई म ओखर पूरा उपभोग सौर ऊर्जा ले पूरा होइस अऊ बिल शून्य होगे। रायगढ़ के प्रदीप मिश्रा अऊ प्रदीप पटेल ह बताइस के ए योजना ह ओ मन ल आर्थिक राहत के संग मानसिक शांति अऊ आत्मनिर्भरता के अहसास घलोक कराइस। हीरापुर कोतरा रोड के राजेंद्र चौरसिया ह बताइस के जुलाई म वोखर 3 किलोवॉट प्लांट ले 507 यूनिट बिजली उत्पन्न होइस। ओ ल 4,178 रुपिया के छूट मिलीस। ओ अब अकतहा बिजली ग्रिड म देके हर महीना हजारों रूपिया के बचत करत हे।
विभागीय अधिकारी मन ह बताइन के प्रधानमंत्री सुरुज घर मुफ्त बिजली योजना आम उपभोक्ता मन ल ऊर्जा के क्षेत्र म आत्मनिर्भर बनाए के एक सशक्त माध्यम हे। उपभोक्ता न केवल घरेलू जरूरत पूरा कर सकत हे, बल्कि अकतहा बिजली ल ग्रिड म बेचके अकतहा आमदनी घलोक अर्जित कर सकत हे। विभागीय टीम गांव-गांव जाके नागरिक मन ल योजना के लाभ समझात हे। ये योजना केवल सस्ता बिजली तक सीमित नइ हे, बल्कि ये उपभोक्ताओं ल बचत अऊ अकतहा कमाई के अवसर देत हे। परिवार मन ल आर्थिक सशक्तिकरण देवत हे। पर्यावरण संरक्षण अऊ हरित ऊर्जा ल बढ़ावा देत हे।