युक्तियुक्तकरण नीति ले संवररत हे लइका मन के भविष्य

हरेक कक्षा खातिर हे अलग-अलग गुरूजी, लइका मन ल विषयवार कराए जात हे पढ़ाई
गांव के सरपंच श्री राजू परतेती ह करिस ए पहल के सराहना
मोहला-मानपुर-अंबागढ़ चौकी, मुख्यमंत्री श्री विष्णुदेव साय के महत्वाकांक्षी युक्तियुक्तकरण नीति के चलते छत्तीसगढ़ के ग्रामीण अंचल मन म शिक्षा के तस्वीर तेजी से बदलत हे। पहिली जिहां स्कूल मन म गुरूजी मन के भारी कमी ले लइका मन के पढ़ाई प्रभावित होत रहिस, उहें अब नियमित अऊ गुणवत्तापूर्ण शिक्षा ठउका होवत हे।
मोहला-मानपुर-अंबागढ़ चौकी जिला के धानापायली गांव के प्राथमिक शाला म एकर एक प्रेरणादायक उदाहरण देखे ल मिले हे। जेमां पहली ले पांचवीं तक के कक्षा मन म पढ़इया लइका मन ल कभू एके गुरूजी ह सबो विसय पढ़ात रहिस। गुरूजी मन के कमी के चलते दूसर स्कूल ले एक शिक्षिका ल भेजे जात रहिस, जेन सबो कक्षा अऊ विषय मन के जिम्मेदारी निभात रहिस। परिणामस्वरूप, शिक्षा के गुणवत्ता उपर बुरा असर परत रहिस अउ एक-एक लइका मन उपर ध्यान देना असंभव जइसे रहिस।
फेर युक्तियुक्तकरण नीति के अंतर्गत दू नवा गुरूजी मन के नियुक्ति के बाद हालात पूरा बदल गे हे। अब हर एक कक्षा खातिर अलग-अलग गुरूजी उपलब्ध हे अऊ लइका मन ल विषयवार पढ़ाई कराए जात हे।
गांव के सरपंच श्री राजू परतेती ह ए पहल के सराहना करत बताइस के युक्तियुक्तकरण के तहत गुरूजी मन के बेहतर व्यवस्था होए ले स्कूल म सकारात्मक बदलाव देखे ल मिलत हे। अब हमार गांव के लइका निजी स्कूल कोति नइ देखत हें, भलुक सरकारी स्कूल म ही गरब ले पढ़ाई करत हें।