नवा घर ले मिलीस सुरक्षित जीवन
बिलासपुर, कभू बरसा म चूहत छांधी अऊ माटी के भिथिया मन के बीच जीवन गुज़ारत बिलासपुर के धुरीपारा मंगला के दुलारी बाई के जीवन म एक बड़का खुशहाली तब आईस, जब प्रधानमंत्री आवास योजना के तहत ओखर पक्का घर बनिस। ए पइत ओ पहली पइत अपन पक्का घर म देवारी मनाही एखर से वोखर तिहार के उछाह दुगुना हो जाही। योजना खातिर वो ह प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के आभार जताए हे।
धुरीपारा मंगला के दुलारी अपन परिवार के संग कइ बछर ले कच्चा घर म रहत रहिस। बरसात के दिन म घर म पानी भर जात रहिस अऊ भिथिया मन ओद्दा होए ले उहां रहना मुश्किल हो जात रहिस। आमदनी अतका नइ रहिस के पक्का घर बनवा सकंय अइसन म प्रधानमंत्री आवास योजना (शहरी) के अंतर्गत ओ ल सरकारी सहायता मिलीस। दुलारी बाई के पति खुद राज मिस्त्री हे उमन खुद अपन मजबूत घर बना लीन। ओखर नवा घर न सिरिफ सुरक्षा के चिनहा हे बल्कि आत्मनिर्भरता के चिनहा बन गे। ए पइत ओ मन पहली पइत अपन पक्का घर म देवारी मनाही ये वोखर बर बड़ खुशी हे।
दुलारी खुश होके बताथे के अब लइका मन खातिर एक अलग कमरा हे, रसोई साफ-सुथरा हे अऊ बरसात के डर खतम हो गए हे। घर म बिजली, पानी अऊ शौचालय के सुविधा ह वोखर जीवन ल आसान बना देहे हे। जानबा हे के प्रधानमंत्री आवास योजना (शहरी) ले कई गरीब परिवार मन ल लाभ मिले हे, जेखर से ओ मन ल कच्चा घर के मुश्किल ले निजात मिले हे।
पक्का घर के पहली देवारी, दुलारी बाई ह कहिस अब जीवन म आइस अंजोर
