आत्मनिर्भरता अऊ आर्थिक बचत के सशक्त माध्यम सौर ऊर्जा: श्री दिनेश कुमार सिंह

सोलर प्लांट ले बिजली बिल होइस शून्य, स्वच्छ ऊर्जा के दिशा म सकारात्मक पहल
रायगढ़, प्रधानमंत्री सूर्यघर मुफ्त बिजली योजना आम नागरिक मन खातिर ऊर्जा आत्मनिर्भरता अऊ आर्थिक बचत के सशक्त माध्यम बनत हे। इही कड़ी म रायगढ़ शहर के माँ नगर कॉलोनी रहवइया श्री दिनेश कुमार सिंह ह ए योजना के लाभ उठाके प्रेरणादायी उदाहरण प्रस्तुत करे हे। श्री सिंह ह मई 2025 म प्रधानमंत्री सूर्यघर मुफ्त बिजली योजना के अंतर्गत 5 किलोवाट क्षमता के सोलर प्लांट अपन घर के छत म स्थापित कराइस। योजना के प्रक्रिया सरल अऊ पारदर्शी होए के सेती ओ ल बैंक ले करजा घलोक सहजता ले मिल गे। उहें छत्तीसगढ़ राज्य विद्युत कंपनी के तत्परता ले ओखर सोलर प्लांट समय म चालू होइस अऊ निरधारित अवधि म सब्सिडी राशि घलोक प्राप्त हो गे।
श्री दिनेश कुमार सिंह ह कहिस के पहिली जिहां ओखर मासिक बिजली बिल लगभग 2500 रुपिया ले 3000 रुपिया तक आवत रहिस, उहें सोलर प्लांट चालू होए के बाद बिल म उल्लेखनीय कमी आईस। जून महिना म बिल माइनस 130 रुपिया, जुलाई महिना म माइनस 205 रुपिया, अगस्त म 350 रुपिया अऊ सितंबर म 550 रुपिया के बिल आए हे। अपन अनुभव साझा करत श्री सिंह ह कहिस के सोलर प्लांट लगाना आर्थिक रूप ले लाभकारी सिद्ध होय हे, संगेच अब ओ ल ए बात के घलोक संतोष हे के ओ स्वच्छ ऊर्जा के उपयोग करके पर्यावरण संरक्षण म अपन योगदान देवत हे। 
प्रधानमंत्री सुरुज घर मुफ्त बिजली योजना के माध्यम ले जिहां एक कोति आमजनता के आर्थिक बचत ठउका होवत हे, उहें ये केंद्र सरकार के ‘हर घर सोलर, हर घर उजाला’ के लक्ष्य ल साकार करे के दिशा म छत्तीसगढ़ सरकार के एक महत्वपूर्ण कदम हे।