प्रधानमंत्री आवास योजना ले ओ मन ल मिलीस सम्मान अऊ आत्मनिर्भरता के नवा अंजोर
गरियाबंद, कच्चा घर के माटी निकालत समय गुहा राम निषाद के अचानक पांव फिसले ले वो 10 फीट नीचे वो ह गिर गए रहिस अऊ गंभीर रूप ले घायल हो गए रहिस। ए दुर्घटना ह न केवल वोखर शारीरिक क्षमता छीन लीस, बल्कि वोखर जम्मो जमा-पूंजी घलोक इलाज म खरचा हो गीस। कइ बछर ले अपन पत्नी के संग अकेले रहत गुहा राम निषाद खातिर घर बनाना अब एक असंभव सपना बन गए रहिस। अइसन समय म निषाद ल अपन जीवन के सबले बड़का खुशी के अनुभव तब होइस जब ओला प्रधानमंत्री घर मिलीस।
गरियाबंद जिला के फिंगेश्वर विकासखंड के ग्राम पंचायत रोहिना के आश्रित ग्राम सेम्हराडीह के रहवइया 73 बछर के गुहा राम निषाद के जीवन म ए एक हादसा ह वोखर जीवन के दिशा ही बदल दे रहिस, जेखर से वो निराश रहे लगिस। मुख्यमंत्री श्री विष्णुदेव साय के अगुवई म प्रधानमंत्री आवास योजना के तहत प्रदेश म 18 लाख आवास मन के स्वीकृति देहे गीस, जेमां गुहा राम निषाद के नाव घलोक सामिल रहिस। ए योजना के अंतर्गत ओ ल पक्का घर मिलीस, जेन ह वोखर जीवन म नवा भरोसा अऊ सुरक्षा के संचार करिस।
गुहा राम भावुक होके कहत हे “मैं अब चले म सक्षम नइ हंव, डंडा के सहारा चलथंव। घर बनाना तो दूर, एक ईंट उठाना घलोक मोर बस के बात नइ रहिस। फेर मुख्यमंत्री जी अऊ प्रधानमंत्री जी के देन ले आज मोर मूड़ म पक्का छत हे। सरकार के ए जनकल्याणकारी योजना ह न केवल एक बुजुर्ग विकलांग मनखे ल सुरक्षित आश्रय दीस, बल्कि वोखर जीवन म सम्मान अऊ आत्मनिर्भरता के नवा अंजोर घलोक मिले हे।
गुहा राम निषाद के सपना होइस साकार
