सरस मेला 2025 म 17 राज्य मन के स्व सहायता समूह के महिला मन संघरिन

सरस मेला म महिला समूह मन ह 60 लाख रूपिया ले जादा के सामान बेंचिन
रायपुर, पंचायत अऊ ग्रामीण विकास विभाग अंतर्गत राष्ट्रीय ग्रामीण आजीविका मिशन के संग 08 ले 18 अकटूबर 2025 तक रायपुर के साइंस कॉलेज मैदान म ‘सरस मेला 2025’ के आयोजन करे गीस। ए आयोजन के माध्यम ले ग्रामीण क्षेत्र मन के महिला मन के उद्यमिता ल एक मंच देहे गीस। जेखर से महिला मन आर्थिक रूप ले आत्मनिर्भर अऊ सशक्त बन सकंय।
रायपुर म आयोजित ए सरस मेला म देशभर के 17 राज्य मन के स्वसहायता समूह के महिला मन ह भाग लीन। एखर संगेच छत्तीसगढ़ के सबो जिला मन ले आए स्व-सहायता समूह कोति ले तियार करे हस्तशिल्प, हैंडलूम वस्त्र, जैविक उत्पाद, पारंपरिक व्यंजन, गृह उपयोगी सामान आदि उत्पाद मन के 200 ले जादा स्टॉल के माध्यम ले प्रदर्शन अऊ विक्रय करे गीस। देवारी परब के मद्देनजर समूह कोति ले विशेष रूप ले हस्तनिर्मित समान मन के गिफ्ट हैम्पर घलोक बनाय गए रहिस। सबो स्टाल मन ले 10 दिन म लगभग 60 लाख रूपिया ले जादा के समान बेंचे गीस। ये पहल प्रधानमंत्री श्री नरेंद्र मोदी कोति ले नागरिक मन ले स्वदेशी वस्तु मन ल क्रय करे के अपील ल बल देहे खातिर करे गए रहिस हे। जिहां स्थानीय महिला मन ह त्यौहारी सीजन म तैयार करे गए उत्पाद मन ल भरपूर प्रतिसाद प्राप्त होइस। स्वदेशी उत्पाद मन ल देखे खातिर बड़ संख्या म ग्राहक मेला म पहुंचे रहिन।
सरस मेला के मुख्य उद्देश्य ग्रामीण महिला मन कोति ले बनाए गए उत्पाद मन ल राष्ट्रीय स्तर म पहिचान देवाना, स्थायी बाजार उपलब्ध कराना अऊ ओ मन ल उद्यमिता के नवा अवसर ले जोड़ना रहिस। ए आयोजन ह हजारों महिला मन ल अपन आर्थिक स्थिति सुधारे के मंच देहे हे, संगेच ओ मन ल गौरव अऊ आत्मविश्वास के संग समाज म खड़ा होए के अवसर घलोक देवाए गए हे। तिहार के बेरा म छत्तीसगढ़ राज्य ग्रामीण आजीविका मिशन कोति ले राज्य भर म स्व सहायता समूह मन के संग मेला के आयोजन करके कई ठन उत्पाद अऊ गिफ्ट हैंपर मन के प्रदर्शन अऊ विक्रय करे गीस। जेमां रायपुर के अकतहा राज्य के समस्त जिला मन म कुल 155 स्टॉल मन के माध्यम ले कुल 15.55 लाख रुपिया के सामान अऊ 14.12 लाख रुपिया के दिवाली गिफ्ट हैम्पर के विक्रय होइस हे। ए प्रकार ले सरस मेला अऊ आन मेला मन के माध्यम ले बिहान के दीदी मन देवारी के अवसर म लगभग 90.00 लाख रुपिया के व्यापार करे हें।