वरिष्ठ नागरिक मन के सम्मान अऊ सुरक्षा म अगुवा छत्तीसगढ़ — संवेदनशील शासन के आदर्श मॉडल

रायपुर, भारतीय संस्कृति म सियान मन के मान रखे के रीति हे। सियान मन के गरिमा अऊ सुरक्षा ठउका करे खातिर छत्तीसगढ़ सरकार ह वरिष्ठ नागरिक मन के कल्याण ल शासन के प्राथमिकता बनाय हे। मुख्यमंत्री श्री विष्णु देव साय के सोच हे के “माता-पिता के पूजा ही ईश्वर के पूजा हे।” इही दृष्टिकोण ले राज्य म वरिष्ठ नागरिक मन खातिर बहुत अकन योजना लागू करे जात हे।
मुख्यमंत्री ह अंतर्राष्ट्रीय वरिष्ठ नागरिक दिवस म रायपुर, बिलासपुर, कोरबा अऊ दुर्ग म पीपीपी मॉडल म आधुनिक वृद्धाश्रम खोले अऊ असहाय बुजुर्ग अउ दिव्यांगजन मन खातिर उपकरण सर्विस सेंटर शुरू करे के घोषणा करे हें। “सियान गुड़ी” जइसे सामाजिक-आध्यात्मिक केंद्र बुजुर्ग मन ल मानसिक अऊ सांस्कृतिक सहारा देवत हे। अभी हाल म राज्य के 35 वृद्धाश्रम मन म 1049 बुजुर्ग मन ल भोजन, आवास, स्वास्थ्य अउ मनोरंजन सुविधा मिलत हे।
रायपुर संग 6 जिला मन म प्रशामक देखभाल गृह मन म 128 वरिष्ठ नागरिक निःशुल्क उपचार पावत हें। हेल्पलाइन सेवा के माध्यम ले अब तक 2.7 लाख ले जादा प्रकरण मन के समाधान होय हे। भरण-पोषण अऊ कल्याण अधिनियम 2007 के सख्त पालन ले बुजुर्ग मन ल जल्दी न्याय मिलत हे। 14 लाख ले जादा वरिष्ठ नागरिक मन ल हर महीना ₹500 ले ₹650 तक पेंशन सहायता देहे जात हे।
आयुष्मान भारत अउ शहीद वीर नारायण सिंह योजना मन ले 8 लाख बुजुर्ग मन ल निःशुल्क उपचार मिले हे, जबकि 50 हजार ले जादा ल सहायक उपकरण देहे गए हे। मुख्यमंत्री तीर्थयात्रा योजना ले 2.5 लाख बुजुर्ग धार्मिक यात्रा के लाभ लेहे हें। छत्तीसगढ़ आज ओ संवेदनशील शासन के उदाहरण हे, जेमां बुजुर्ग मन के सम्मान, सुरक्षा अऊ सुख शासन के सर्वोच्च प्राथमिकता हे।