बलौदाबाजार, जिला चिकित्सालय बलौदाबाजार म अकटूबर महिना के समय संस्थागत प्रसव के संख्या रिकॉर्ड स्तर म पहुंच गए हे। ए अवधि म कुल 456 प्रसव होइस, जेमें ले 155 सी-सेक्शन (शल्य प्रसव) रहिस। ये आंकड़ा बताता हे के मातृ अऊ शिशु स्वास्थ्य सेवा म जनता के भरोसा सरलग बाढ़त हे। मुख्य चिकित्सा अऊ स्वास्थ्य अधिकारी डॉ. राजेश कुमार अवस्थी ह बताइस के ए महिना लगभग 1400 गर्भवती महिला मन के प्रसव पहिली जांच (एएनसी) करे गीस, जेखर से सुरक्षित मातृत्व के प्रति जागरूकता म बढ़ोतरी हो गए हे। बढ़त प्रसव संख्या के सेती मातृ अऊ शिशु वार्ड म कार्यभार बाढ़े हे, जेखर बर अकतहा संसाधन अऊ स्टाफ के व्यवस्था करे जात हे। सिविल सर्जन डॉ. अशोक कुमार वर्मा ह बताइस के बेहतर स्वास्थ्य सुविधा, 24 घंटा उपलब्ध चिकित्सा दल, निशुल्क दवइ अऊ जनहितैषी योजना मन के सेती जादा महिला मन अब जिला अस्पताल म प्रसव ल प्राथमिकता देवत हें।
जिला चिकित्सालय बलौदाबाजार म प्रसव के रिकॉर्ड — अकटूबर म होए 456 सुरक्षित जन्म, बाढि़स मनखे मन के भरोसा
