छत्तीसगढ़ के बेटी आकांक्षा सत्यवंशी के वर्ल्ड कप म चमकिस नाव – मुख्यमंत्री ह दीन बधाई, खेल प्रतिभा मन ल देबोन पंदोली

रायपुर, भारतीय महिला क्रिकेट टीम के फिजियोथेरेपिस्ट अऊ वर्ल्ड कप विजेता टीम के अहम सदस्य आकांक्षा सत्यवंशी ह आज मुख्यमंत्री श्री विष्णु देव साय ले मुलाकात करके अपन सफलता के कहिनी बताईन। दुर्ग म जन्मे अऊ रायपुर म पले-बढ़े आकांक्षा ह कहिस के “छत्तीसगढ़ के माटी, शिक्षा अऊ संस्कार मन ह मोला ये मकाम देहे हे।”
मुख्यमंत्री ह आकांक्षा ल सम्मानित करत कहिन के उंखर उपलब्धि पूरा प्रदेश बर गरब के बात ये। उमन घोषणा करिन के राज्य सरकार आकांक्षा ल 10 लाख रूपिया के सम्मान राशि देही। श्री साय ह कहिन के छत्तीसगढ़ के बेछी मन हर क्षेत्र म उत्कृष्ट प्रदर्शन करत हें, अऊ सरकार खेल, शिक्षा अउ कौशल विकास ल नवा ऊँचाइ तक ले जाय खातिर बाना उंचाए हे।
मुख्यमंत्री ह बताइस के खेल अलंकरण सम्मान फेर चालू करे जात हे अऊ ओलंपिक खिलाड़ी मन ल विशेष प्रोत्साहन राशि दे जाही। उमन कहिन के “बस्तर ओलंपिक” जइसे आयोजन ग्रामीण प्रतिभा मन ल मंच देवत हे।
आकांक्षा ह बताइस के वर्ल्ड कप अभियान म उमन खिलाड़ी मन के फिटनेस, मानसिक दृढ़ता अऊ रिकवरी उपर काम करे हें। उमन मुख्यमंत्री ल टीम के जर्सी भेंट करिन अऊ कहिन — “छत्तीसगढ़ के नाव विश्व स्तर म रोशन करना ही मोर बर सबले बड़का सम्मान हे।”