प्रधानमंत्री सुक्ष्म सिंचाई योजना ले बाढि़स पैदावार, बढ़हर होइन किसान

बलरामपुर। प्रधानमंत्री सुक्ष्म कृषि सिंचाई योजना (PMKSY) ले जिला के किसान अब बढ़ोतरी कोति आगू बढ़त हें।
वाड्रफनगर ब्लॉक के किसान दीपक पटवा बताइस के वो ह उद्यान विभाग के सहयोग ले ड्रीप सिंचाई प्रणाली लगाइस, जेखर से पैदावार अऊ आमदनी दुनों म बढ़ोतरी होइस। 55 प्रतिशत सब्सिडी के संग ये तकनीक अपनाना आसान हे।
पहिली केवल धान के खेती तक सीमित दीपक अब सालभर तीन फसल लेवत हे अऊ एकड़ पाछु लगभग 3 लाख रूपिया वार्षिक आय अर्जित करत हे।
ड्रीप अऊ स्प्रिंकलर तकनीक ले जल संरक्षण, खाद के बचत, अऊ फसल के गुणवत्ता म सुधार होय हे।
प्रधानमंत्री सुक्ष्म सिंचाई योजना के उद्देश्य हर बूंद ले जादा फसल लेना हे। ये योजना किसान मन ल नवा तकनीक के माध्यम ले कम पानी म जादा उपज अऊ जल प्रबंधन खातिर प्रोत्साहित करत हे।