सूरजपुर, राष्ट्रीय शैक्षिक अनुसंधान अऊ प्रशिक्षण परिषद (NCERT) के हुकुम के मुताबिक आयोजित जोन स्तरीय राष्ट्रीय बाल वैज्ञानिक प्रदर्शनी मं सूरजपुर जिला के चार मॉडल राज्य स्तरीय प्रतियोगिता खातिर चुने गए हे। ये आयोजन अंबिकापुर म होइस, जबकि राज्य स्तरीय कार्यक्रम 12 ले 15 सितंबर 2025 तक स्वामी आत्मानंद शासकीय उत्कृष्ट विद्यालय, जयपुर (जशपुर) म आयोजित करे गीस। ए साल के थीम “विकसित अऊ आत्मनिर्भर भारत” रखे गए हे।
कार्यक्रम के अंतर्गत सात उप-विषय—सतत कृषि, हरित ऊर्जा, अपशिष्ट प्रबंधन, उभरत प्रौद्योगिकी, स्वास्थ्य अऊ स्वच्छता, मनोरंजक गणितीय मॉडलिंग अउ जल संरक्षण—उपर मॉडल तैयार करे गीस।
सूरजपुर ले चुने गए पढ़ईया लईका मन म सामिल हे—
• अविनाश सिंह (कक्षा 12वीं, रामानुजनगर) – स्वास्थ्य अऊ स्वच्छता मॉडल
• गीता सिंह (कक्षा 12वीं, कारवां) – स्वास्थ्य अऊ स्वच्छता मॉडल
• नवल साय (कक्षा 10वीं) – सतत कृषि मॉडल
• मोहम्मद आसिफ अंसारी (कक्षा 8वीं, जयनगर) – उभरत प्रौद्योगिकी मॉडल
ए प्रदर्शनी के उद्देश्य लइका मन म वैज्ञानिक सोच, नवाचार, संचार कौशल अऊ आत्मविश्वास बढ़ाना हे, ताकि ओ मन विकसित अउ आत्मनिर्भर भारत के निर्माण म अपन भूमिका निभा सकंय।
सूरजपुर के नान्हें लइका मन करिन कमाल! राज्य स्तरीय बाल वैज्ञानिक प्रदर्शनी में 4 मॉडल चयनित – जानव कोन का बनाइस
