देवकुमारी के घर बनिस ‘मुफ्त बिजली घर’! 3KW सोलर ले हर महीना ZERO बिल जानव कइसे मिलीस ₹78,000 सब्सिडी

कबीरधाम, केंद्र सरकार के पीएम सुरुज घर मुफ्त बिजली योजना आम परिवार मन ल बिजली बिल ले छुटकारा देवाए के संग पर्यावरण संरक्षण के दिशा म नवा रद्दा देखावत हे। कबीरधाम जिला के देवकुमारी सोम ह ए योजना के लाभ लेके अपन घर के छत म 3 किलोवाट सोलर पैनल लगवाए हे। योजना के तहत केंद्र ले ₹78,000 सब्सिडी सीधा बैंक खाता म जमा हो गए हे अऊ राज्य सरकार के ₹30,000 सहायता घलोक प्रक्रिया म हे।
सोलर सिसटम म कुल लगभग ₹1.80 लाख लागत आए हे, फेर सब्सिडी ले खरचा काफी कम हो गए हे। पहिली परिवार हर महीना 400 यूनिट बिजली खर्च करत रहिस, जबकि अब सोलर ले 350–370 यूनिट उत्पादन घरे म ही होवत हे। पाछू 10 महीना ले ओखर बिजली बिल या तो शून्य हे या माइनस म जात हे।
देवकुमारी अऊ वोखर बेटा देवेन्द्र सोम के मुताबिक सोलर ऊर्जा ह न केवल बचत बढ़ाए हे, बल्कि छत के बेहतर उपयोग अऊ पर्यावरण संरक्षण—दुनों म फायदा देवत हे। उमन प्रधानमंत्री मोदी अऊ मुख्यमंत्री विष्णुदेव साय के धन्यवाद देवत कहिन के ये योजना हर परिवार खातिर “मुक्त बिजली घर” के अवसर हे।