जल जीवन मिशन ह बदल दीस पूरा ग्रामीण जिंदगी
बेमेतरा, छत्तीसगढ़ के बेमेतरा विकासखंड के आश्रित ग्राम मंजगांव म जल जीवन मिशन ह ग्रामीण जीवनशैली बदल देहे हे। सरकार के ए महत्वाकांक्षी योजना ले अब हर घर तक स्वच्छ पेयजल पहुँचत हे अऊ ग्राम ल आधिकारिक रूप ले ‘हर घर जल ग्राम’ घोषित करे गए हे। लगभग 1000 के आबादी अऊ 199 परिवार मन वाले ए गांव म उच्च स्तरीय जलागार अऊ आधुनिक पाइपलाइन नेटवर्क बिछाके नियमित जल आपूर्ति शुरू कर दे गए हे। एखर से गांव वाले मन ल अब हैंडपंप अऊ सार्वजनिक जल स्रोत मन उपर निर्भर नइ रहना परत हे।
गांव के महिला श्रीमती सरिता अऊ श्रीमती पार्वती बतात हे के पहिली पानी लाय खातिर कइ घंटा लाइन म लगना परत रहिस, खासकर गर्मी अऊ बरसात म। अब घर-घर नल कनेक्शन लगे ले समय के बचत होवत हे अऊ घरेलू काम मन के संग लइका मन के देखभाल म आसानी होए हे। गांव वाले मन ह ए बदलाव खातिर प्रधानमंत्री नरेंद्र मोदी अऊ शासन के आभार जताए हें।
मंजगांव म अब लग गए नल, बोहावत हे विकास के पानी!
