पताल ह बदल दीस किस्मत! किसान ह पॉलीहाउस ले कमाइस 2.35 लाख, खेती बनिस मुनाफा के मशीन

राजनांदगांव, जिला म किसान अब पारंपरिक फसल मन के संग उद्यानिकी कोति लउहे-लउहे बढ़त हे। ग्राम गातापारखुर्द के प्रगतिशील किसान श्री सुरेश सिन्हा ह पॉलीहाउस म टमाटर के आधुनिक खेती करके शानदार सफलता हासिल करे हे। उमन टमाटर के ‘माल्या वैरायटी’ लगाए हे अऊ लगभग 2 लाख 35 हजार रूपिया के शुद्ध लाभ कमाए हे।
सिन्हा ह पॉलीहाउस म तापमान नियंत्रण अऊ मल्चिंग तकनीक अपनाए हे, जेखर से उत्पादन अऊ गुणवत्ता दुनों म बढ़ोतरी होए हे। ऊंखर टमाटर ल कोरबा, कोलकाता, उत्तर प्रदेश, ओडिशा अऊ स्थानीय बाजार मन म 700–800 रूपिया प्रति क्विंटल के दर ले बिसाए जात हे।
राष्ट्रीय बागवनी मिशन के तहत पॉलीहाउस निर्माण म 17 लाख के अनुदान, पैक हाउस खातिर 2 लाख अऊ स्ट्रिप मशीन म 50% अनुदान वोला मिले हे। कुल 34 लाख के लागत वाले पॉलीहाउस आज वोखर आय के मजबूत स्रोत हे।
15 एकड़ जमीन वाले सिन्हा 8 एकड़ म धान अऊ 7 एकड़ म साग-भाजी उपजावत हे। ए साल 1.5 एकड़ ले 35 टन लौकी के उत्पादन करके 50% ले जादा लाभ वो ह प्राप्त करे हे। पॉलीहाउस म वो ह मिश्रित खेती के रूप म फूलगोभी, मूली, प्याज अऊ नवलगोल घलोक लगाए हे। वोखर मुताबिक सब्जी खेती ले धान के तुलना म 3–4 गुना जादा आमदनी होथे अऊ साल म कई फसल लेहे जा सकथे।