मुख्यमंत्री ह ऑल इंडिया फ़ॉरेस्ट स्पोर्ट्स मीट के विजेता खिलाड़ी मन ले मुलाकात करके दीन बधाई

ऑल इंडिया फ़ॉरेस्ट स्पोर्ट्स मीट म सरलग 13 पइत ओवरऑल चैंपियन बनिस छत्तीसगढ़
रायपुर, मुख्यमंत्री श्री विष्णु देव साय ह आज राजधानी रायपुर स्थित मेडिकल कॉलेज परिसर म ऑल इंडिया फ़ॉरेस्ट स्पोर्ट्स मीट म सरलग 13 पइत ओवरऑल चैंपियन बने छत्तीसगढ़ के विजेता खिलाड़ी मन ले मुलाकात करिन। उमन सबो खिलाड़ी मन ल ए शानदार उपलब्धि खातिर हार्दिक बधाई अऊ शुभकामना दीन।
मुख्यमंत्री श्री साय ह खिलाड़ी मन के उत्साहवर्धन करत कहिन के अपन उत्कृष्ट प्रदर्शन ले उमन छत्तीसगढ़ के मान पूरा देश म ऊँचा करे हें अऊ उंखर ये उपलब्धि पूरा प्रदेश खातिर गरब के विसय हे।
जानबा हे के देहरादून म 12 ले 16 नवंबर तक आयोजित 28वां ऑल इंडिया फ़ॉरेस्ट स्पोर्ट्स मीट म छत्तीसगढ़ ह अपन दबदबा कायम रखत सरलग 13 पइत ओवरऑल चैंपियनशिप ट्रॉफी जीते हे। ये विजय छत्तीसगढ़ के गौरवशाली परंपरा, अनुशासन, कठिन मेहनत अऊ टीम के अदम्य प्रतिबद्धता के चिनहा हे। भव्य समापन समारोह म उत्तराखंड के माननीय राज्यपाल लेफ्टिनेंट जनरल (सेवानिवृत्त) गुरमीत सिंह अऊ वन मंत्री श्री सुबोध उनियाल ह संघरा रूप ले ओवरऑल चैंपियनशिप ट्रॉफी देहे रहिन, जेन ल छत्तीसगढ़ के तरफ ले आईएफएस श्रीमती शालिनी रैना अऊ दल के नोडल अधिकारी ह झोंके रहिन।