रामलला दर्शन योजना के तहत 850 तीर्थयात्री भारत गौरव स्पेशल ट्रेन ले अयोध्या धाम के बर रवाना

सरकार के ए योजना ले अब तक छत्तीस हजार तीर्थयात्री कर डरिन रामलला के दर्शन
रायपुर, रामलला दर्शन योजना के तहत बुधवार, 26 नवंबर 2025 के रायपुर संभाग के 850 श्रद्धालु भारत गौरव स्पेशल ट्रेन ले अयोध्या धाम बर रवाना होइन। विशेष ट्रेन ल रायपुर रेलवे स्टेशन ले प्रदेश के राजस्व मंत्री श्री टंकराम वर्मा, सांसद श्री बृजमोहन अग्रवाल, धरसीवां विधायक श्री अनुज शर्मा अऊ जिला पंचायत अध्यक्ष श्री नवीन अग्रवाल ह हरी झंडी देखाके रवाना करिन। अतिथि मन ह तीर्थयात्री मन के माल्यार्पण करके स्वागत अऊ अभिनंदन करिन। ए बेरा म स्टेशन परिसर ‘जय श्रीराम’ के नारा ले गूंज उठिस। श्रद्धालु मन के चेहरा म भक्ति अऊ उत्साह के झलक देखतेच बनत रहिस।
छत्तीसगढ़ टूरिज्म बोर्ड, जिला प्रशासन, समाज कल्याण विभाग अऊ आईआरसीटीसी के अधिकारी अऊ कर्मचारी तीर्थयात्री मन के स्वागत अऊ सहयोग म सक्रिय रहि। हर एक यात्री के पुष्पमाला, तिलक अऊ आरती के संग स्वागत करे गीस। आईआरसीटीसी से सबो यात्री मन बर स्वच्छ भोजन, पेयजल, प्राथमिक चिकित्सा, सुरक्षा अऊ घर के पूरा व्यवस्था करे गए हे। हर एक डब्बा म टूरिज्म बोर्ड अऊ समाज कल्याण विभाग के कर्मचारी नियुक्त करे गए हे, जेन तीर्थयात्री मन के सुविधा अऊ सेवा म लगे हें। यात्रा के समय श्रद्धालु मन ल काशी विश्वनाथ मंदिर के दर्शन घलोक कराए जाही।
धरसींवा के श्रद्धालु सुशीला देवी ह कहिस के पहली पइत सरकार के ए योजना ले अयोध्या धाम जाय के अवसर मिले हे, ये पल जीवनभर याद रहिही। एक आन यात्री महेश्वर प्रसाद ह कहिस के सरकार ह सियान अऊ आमजनता बर जेन सुविधा देवत हे, ओ सराहनीय हे। मुख्यमंत्री श्री विष्णुदेव साय अऊ पर्यटन मंत्री श्री राजेश अग्रवाल के आभार हे, जे ह हम मन के सपना साकार करे हें।