खेती ले कमाई, अब आधुनिकता कोति बढ़त कदम

मेहनत ले मिलीस नवा उड़ान: किसान प्रदीप पटेल अब बिसाही अपन ट्रैक्टर
सारंगढ़–बिलाईगढ़, जिला के ग्राम गंधराचुवा के युवा अऊ मेहनतकश किसान प्रदीप पटेल ह ए खरीफ सीजन म अपन उपज बेचके अपन एक बड़का सपना ल सच करे के दिशा म कदम बढ़ाए हे।
धान खरीदी केन्द्र कनकबीरा म प्रदीप ह करीब 2 एकड़ जमीन ले उपजे 51.60 कुंटल धान राज्य सरकार ल बेचे हे। प्रति कुंटल 3100 रूपिया के समर्थन मूल्य ले ओ अड़बड़ खुश हे। वो ह बताइस के धान बिक्री ले मिले पइसा म अपन जमा पूंजी जोड़के ओ ह ट्रैक्टर बिसाए के सपना पूरा करहीं। जो वोखर कृषि काम मन ल अऊ जादा सरल, तेज़ अऊ आधुनिक बनाही।
प्रदीप पटेल ह कहिस के मुख्यमंत्री विष्णुदेव साय ह प्रति एकड़ 21 कुंटल धान खरीदी के निर्णय किसान मन खातिर बड़का राहत हे। संगेच वो ह टोकन सिसटम के घलोक प्रशंसा करिस। पहिली जेमां टोकन लेहे बर लंबा लाइन लगाए ल परत रहिस, उहें अब ऑनलाइन ‘तुंहर टोकन’ सुविधा ले किसान अपन मोबाइल म ही टोकन काट पात हें।
धान खरीदी केन्द्र म पेयजल, गुणवत्तापूर्ण बारदाना अऊ समय म व्यवस्था मिले ले किसान मन ल कोनो प्रकार के परेशानी नइ होवत हे, ये बात घलोक प्रदीप ह खुशी जतात कहिस।
प्रदीप पटेल के ये सफलता के कहानी बताथे के सरकारी योजना, तकनीकी सुविधा अऊ किसान के मेहनत मिलके कइसे जीवन म प्रगति के नवा रद्दा खोलथे।