धान खरीदी व्यवस्था ले किसान मन के बाढि़स भरोसा

रामपुर के किसान कीर्तम राम पटेल ह सुचारू व्यवस्था मप खातिर शासन ल दीस धन्यवाद
सरगुजा, प्रदेशभर म जारी धान खरीदी तिहार किसान मन के बर राहत, पारदर्शिता अऊ सुगमता के संदेश लेके आए हे। सरगुजा जिला के ग्राम पंचायत रामपुर के किसान अऊ गांव के पटेल, कीर्तम राम पटेल ह खरीदी केंद्र मन के व्यवस्था उपर संतोष व्यक्त करत कहिन के ए साल के धान खरीदी प्रक्रिया बहुत सरल, व्यवस्थित अऊ किसान हित म हे।
किसान श्री कीर्तम राम पटेल ह बताइस के ओ ए सीजन म कुल 187 कुंटल धान बेचत हे। एमां ले 80 क्विंटल धान ओ पहिलीच टोकन के माध्यम ले बेच डरे हे, जबकि बांचे 107 कुंटल धान अगला टोकन जारी होए म बेचही। वो ह कहिस के टोकन प्रणाली ले खरीदी केंद्र मन म भीड़ कम होए हे अऊ किसान मन ल निरधारित समय म धान बेचे के सुविधा मिलत हे।
उमन बताइन के केंद्र म बारदाना के भरपूर उपलब्धता, कर्मचारी मन के सहयोग, सटीक तउलई, अऊ पारदर्शी कार्यप्रणाली किसान मन के भरोसा ल अऊ मजबूत करत हे।
किसान श्री पटेल ह कहिस के पहिली के तुलना म ए पइत खरीदी व्यवस्था बहुतेच सुचारू अऊ पारदर्शी हे। कोनो प्रकार के अव्यवस्था नइ हे। मुख्यमंत्री श्री विष्णु देव साय ह धान के 3100 रुपिया प्रति कुंटल समर्थन मूल्य तय करे हे तेखर से किसान मन के चेहरा म प्रसन्नता हे। वो ह बताइस के बेहतर व्यवस्था मन के सेती किसान मन ल उचित मूल्य मिले के संगे-संग समय अऊ श्रम दुनों के बचत होवत हे।