रायपुर: राज्यपाल श्री रमेन डेका ह नवा पुलिस अधिकारी मन ल एक अहम सीख देहे हें। राजभवन म भारतीय पुलिस सेवा (IPS) के ट्रेनी अधिकारी मन ले मुलाकात के समय उमन कहिन के पुलिस ल आम जनता के संग संवेदनशीलता अऊ मानवीय दृष्टिकोण ले पेश आना चाही।
राज्यपाल ह जोर देके कहिन के थाना म शिकायत लेके अवइया मनखे मन के संग पुलिस जइसे व्यवहार करथे, वोकरे से पुलिस के छबि बनथे। ते पाए के अधिकारी मन ल पीड़ित मन के मदद खातिर हमेशा तत्पर रहना चाही। ए मुलाकात के समय नेताजी सुभाषचंद्र बोस राज्य पुलिस अकादमी के निदेशक अऊ आन वरिष्ठ अधिकारी घलोक मौजूद रहिन।
‘जनता ले संवेदनशीलता ले पेश आवव’, राज्यपाल ह नवा IPS अफसर मन ल दीन बड़का सीख!
