मुख्यमंत्री साय ह बनोरा अघोर गुरुपीठ म करिन पूजा, छत्तीसगढ़ के सुख-समृद्धि बर मांगिन आशीर्वाद

रायपुर GG Digital News Desk, मुख्यमंत्री श्री विष्णुदेव साय आज रायगढ़ जिला के गाँव बनोरा म अघोर गुरुपीठ पहुंचिन। उहाँ ओमन अघोरेश्वर अवधूत भगवान राम जी के मूर्ति के आगू माथा टेक के प्रदेश के सुख, समृद्धि अउ खुशहाली बर प्रार्थना करिन। ओमन गुरुपीठ म विधि-विधान ले पूजा-पाठ करके छत्तीसगढ़ के शांति अउ जनता के भलाई बर आशीर्वाद मांगिन।
मुख्यमंत्री साय ह अघोरेश्वर अवधूत जी के शिष्य बाबा प्रियदर्शी भगवान राम जी ले आशीर्वाद लीन। उमन कहिन के बाबा के मया अउ मार्गदर्शन ले हमन ल हमेशा नवा ताकत अउ प्रेरणा मिलथे। उमन कहिन के अध्यात्म के रद्दा ही समाज ल सही दिशा देखाथे अउ जनता के सेवा करे बर हमन ल अउ ज्यादा हिम्मत देथे।
मुख्यमंत्री ह कहिन के छत्तीसगढ़ के संस्कृति, परंपरा अउ हमर भाई-चारा ही हमर सबले बड़े ताकत हरे। इही बात ल मान के सरकार ह जनता के विकास अउ भलाई के काम ल आगू बढ़ावत हे। ये मौका म स्थानीय नेता, अधिकारी अउ आस-पास के लोगन घलो मौजूद रिहिन।