रायपुर, कहूं आप मन ला फोटो खींचे के सउंख हे, त छत्तीसगढ़ पर्यटन बोर्ड आप मन बर लाये हे एक सोनहा मौका। राज के 25 साल पूरा होय के खुसी (रजत जयंती) म ‘ऑनलाइन फोटोग्राफी प्रतियोगिता’ शुरू करे गए हे। ए प्रतियोगिता 8 दिसम्बर ले शुरू हो गे हे अउ 15 दिसम्बर 2025 तक चलही।
एमा 18 साल ले ऊपर के कोनो भी मनखे भाग ले सकत हे। आप ला बस छत्तीसगढ़ के पर्यटन, प्राकृतिक सुंदरता या संस्कृति के बढ़िया फोटो खींचना हे अउ ओला ईमेल आईडी it@visitcg.in म भेज देना हे। ईमेल म अपन नाम, उमर, पता अउ मोबाइल नंबर लिखना झन भुलाहू।
जीतइया मन के नाम 19 दिसम्बर के घोषित होही:
पहिला ईनाम: हिल इको रिसॉर्ट म 2 लोगन बर 3 दिन/2 रात फ्री रूके के व्यवस्था.
दूसरा ईनाम: सोनभद्र टूरिस्ट रिसॉर्ट (आमाडोब) म 2 लोगन बर 2 दिन/1 रात फ्री स्टे.
तीसरा ईनाम: 1500 रूपिया नकद.
त फेर देरी काबर? अपन हुनर देखावव अउ ईनाम जीतव। जादा जानकारी बर +91-89823-25900 म फोन लगा सकत हव।
