राष्ट्रीय खेल प्रतियोगिता मा नाम रोशन करइया खिलाड़ी मन ले मुख्यमंत्री ह करिन भेंट

रइपुर, मुख्यमंत्री विस्नु देव साय ले पाछु दिन विधानसभा मा मास्टर एथलीट फेडरेशन ऑफ इंडिया के खिलाड़ी मन ह मुलाकात करिन। ये खिलाड़ी मन ह चेन्नई मा 5 ले 9 नवंबर तक होय राष्ट्रीय खेल प्रतियोगिता मा छत्तीसगढ़ के मान बढ़ाइन अउ मेडल जीत के आए हें।
​ये प्रतियोगिता मा हमर प्रदेश के भिलाई, बिलासपुर, महासमुंद अउ बस्तर ले खिलाड़ी मन सामिल होय रहिन। मुख्यमंत्री ह सबो खिलाड़ी मन ला उंकर सफलता बर बधाई दीन अउ कहिन के तुमन अपन मेहनत, अनुसासन अउ लगन ले छत्तीसगढ़ ला देस भर मा नवा पहिचान देय हो। मुख्यमंत्री ह खिलाड़ी मन के उत्साह बढ़ावत कहिन के आगे घलो अइसनहे बढ़िया खेल देखाके राज के नाम रोशन करत रहव।
​ये मउका मा स्वास्थ्य मंत्री स्याम बिहारी जायसवाल घलो संग मा मौजूद रहिन। ये भेंट-मुलाकात ह देखाथे के सरकार ह खेल अउ खिलाड़ी मन ला बढ़ावा दे बर कतका गंभीर हे।