ग्राफ्टेड बैगन (भांटा) के खेती ले बाढि़स किसान योगेश अग्रवाल के आमदनी

बलौदाबाज़ार-भाटापारा, राज्य शासन के किसान हितैसी नीति मन अपन शानदार परिणाम देखावत हे। बलौदाबाज़ार-भाटापारा जिला के भाटापारा ब्लॉक के गाँव सेमरिया (बी) के प्रगतिशील किसान श्री योगेश अग्रवाल ग्राफ्टेड बैगन के खेती करके अपन आमदनी म बढ़ोतरी करे म सफल होए हे। श्री अग्रवाल ह बताइस के पहिली ओ परम्परागत तरीके ले सब्जी के खेती करत रहिस। फेर ओ ल उद्यानिकी विभाग कोति ले राष्ट्रीय कृषि विकास योजना अन्तर्गत ग्राफ्टेड बैगन अऊ टमाटर प्रदर्शन योजना के लाभ मिलीस।
वो ह बताइस के ग्राफ्टेड बैगन म रोग मन के प्रकोप सामान्य खेती के तुलना म कम हे। संगे-संग ये मां तीनों सीजन म उत्पादन होथे। कम पानी अऊ मजदूरी लागत घलोक कम आथे। पौधा घलोक मजबूत होथे जेखर से उत्पादन म सुधार होय हे। श्री अग्रवाल ह बताइस ए तकनीक ले किसान मन ल आर्थिक लाभ मिलत हे।
जानबा हे के उद्यान विभाग कोति ले जिला म किसान मन ल आधुनिक तकनीक ले जोड़के उंखर आय म बढ़ोतरी करे के उद्देश्य ले राष्ट्रीय कृषि विकास योजना अन्तर्गत ग्राफ्टेड बैगन अऊ टमाटर प्रदर्शन योजना के संचालन करे जात हे, ये योजना जिला म पहली पइत लागू करे गए हे, योजना के तहत ग्राफ्टेड बैगन अऊ टमाटर के खेती किसान मन कोति ले करे जात हे जेखर बर प्रति प्रदर्शन राशि रू. 30000 के अनुदान देहे जात हे।
जिला ल 188 नग प्रदर्शन के लक्ष्य प्राप्त होय हे जेखर विरूद्ध नियमानुसार 188 किसान मन के चयन करे गीस अऊ किसान मन ल ए योजना के लाभ देहे जात हे।