धान खरीदी केंद्र मा पारदर्शी व्यवस्था – किसान मन खुश

धान खरीदी केंद्र मा पारदर्शी व्यवस्था ले किसान मन ल मिलत हे बड़का फायदा, अन्नदाता होइन खुशहाल
रायपुर, छत्तीसगढ़ मा धान खरीदी के काम बड़ जोर-शोर ले चलत हे अऊ ए दरी सरकार के पारदर्शी व्यवस्था ले किसान मन भारी खुश हें। रायपुर जिला के धान खरीदी केंद्र मन मा अब दलाल अऊ बिचौलिया मन के काम खतम हो गे हे, काबर के सरकार ह बायोमेट्रिक (अंगूठा लगाय के) सिस्टम लागू कर दे हे। एखर से अब असली किसान ही अपन उपज बेंच पावत हें अऊ कोनो गड़बड़ी नइ होवत हे।
किसान मन के सुविधा बर ‘टोकन तुंहर हाथ’ एप के व्यवस्था करे गे हे, जेकर माध्यम ले किसान घर बइठे अपन मोबाइल ले टोकन काट सकत हें। अब रात-बिरात लाइन लगाय के झंझट नइ हे। सरकार ह 3100 रूपिया प्रति कुंटल के दाम अऊ प्रति एकड़ 21 कुंटल धान खरीदी करे के जेन फैसला लेहे हे, तेकर से किसान मन ल सीधा फायदा मिलत हे।
खरीदी केंद्र मन मा किसान मन बर पानी, छांव अऊ बइठे के बढ़िया व्यवस्था करे गे हे। धान बेचे के बाद पइसा घलो तुरंते 72 घंटा के भीतर किसान मन के बैंक खाता मा आ जावत हे। ए साफ-सुथरा अऊ हाई-टेक व्यवस्था ले किसान मन ल न सिरिफ सही दाम मिलत हे, भलुक समय अऊ सम्मान दुनो बांचत हे। एखर से खेती-किसानी मा अब एक नवा भरोसा जागे हे।