लखपति दीदी रशोबाई ह मेहनत अउ समूह के सहयोग ले बनिस आत्मनिर्भर, पेश करिस मिसाल

कोरिया, मेहनत अउ लगन होय त कोनो भी काम मुश्किल नइ होवय। ए बात ल साबित कर देखाय हे कोरिया जिला के “लखपति दीदी” रशोबाई ह। रशोबाई ह अपन मेहनत अउ स्व-सहायता समूह के सहयोग ले आत्मनिर्भरता के एक ठी नवा मिसाल पेश करे हे।
बिहान योजना ले जुड़के रशोबाई ह न सिरिफ अपन घर-परिवार के आर्थिक स्थिति ल सुधारिस, भलुक आज ओ मन समाज म दूसर महिला मन बर प्रेरणा के स्रोत बन गे हें। रशोबाई ह समूह ले काजा लेके अउ अपन जमा पूंजी लगाके खेती-किसानी अउ दूसर रोजगार के साधन अपनाइन। ओकर मेहनत रंग लाइस अउ आज ओ मन हर बछर लाखों रुपिया कमावत हें।
रशोबाई ह बताइस के समूह ले जुड़े के पहिली ओकर आर्थिक स्थिति ठीक नइ रिहिस, फेर समूह के दीदी मन के सहयोग अउ सरकारी योजना के लाभ मिलिस त ओ आघू बढ़िस। आज ओ खुशी-खुशी अपन परिवार के पालन-पोषण करत हे अउ लखपति दीदी बनके बड़ मान-सम्मान पावत हे।