सरस्वती साइकिल योजना ले बेटी मन ल मिलिस शिक्षा के संबल मंत्री श्रीमती लक्ष्मी राजवाड़े ह छात्रा मन ल बांटिन साइकिल

सूरजपुर, महिला अउ बाल विकास अउ समाज कल्याण मंत्री श्रीमती लक्ष्मी राजवाड़े ह आज सूरजपुर जिला के भटगांव विधानसभा अंतर्गत शासकीय उच्चतर माध्यमिक विद्यालय करवां अउ लटोरी म आयोजित कार्यक्रम मन म सरस्वती साइकिल योजना के तहत कक्षा 9वीं के छात्रा मन ल साइकिल बांटिन। करवां स्कूल म 44 त उहें लटोरी स्कूल म 102 छात्रा मन ल साइकिल बांटे गीस। ए मौका म भारी संख्या म छात्रा, पालक अउ शिक्षक मन उपस्थित रहिन।
मंत्री श्रीमती लक्ष्मी राजवाड़े ह कार्यक्रम ल संबोधित करत कहिन के राज्य सरकार के संकल्प हे के कोनो बेटी शिक्षा ले वंचित झन रहय। ग्रामीण अंचल मन म साइकिल मिले ले छात्रा मन ल स्कूल आए-जाए म सुविधा मिलही, जेखर ले उंकर पढ़ई लगातार चलत रइही अउ बीच म पढ़ई छोड़े के समस्या म कमी आही।
उमन कहिन के सुशासन सरकार शिक्षा ल सबले पहली प्राथमिकता देवत बेटी मन के शिक्षा, सुरक्षा अउ सशक्तिकरण बर लगातार काम करत हे। सरस्वती साइकिल योजना बेटी मन ल आत्मनिर्भर बनाए अउ उच्च शिक्षा बर प्रोत्साहित करे के दिशा म एक असरदार पहल हरे।
कार्यक्रम के दौरान जनप्रतिनिधि मन, स्कूल के शिक्षक-शिक्षिका, पालक अउ क्षेत्र के गणमान्य नागरिक मन उपस्थित रहिन।