बलौदाबाजार, संयुक्त जांच टीम ह चिल्हर व्यापारी अउ कोचिया मन के दुकान म दबिश देके 227 बोरी अवैध धान ल जप्त करिस। जप्त करे गय धान ल गांव के कोटवार ल सौंप दे गीस। मिले जानकारी के मुताबिक, तहसील लवन के अंतर्गत गांव करदा के चिल्हर व्यापारी पंचराम (पिता बिसाहू) के दुकान ले 37 बोरी धान अवैध रूप ले मिले म ओला जप्त करके गांव के पंच बोधराम ल सौंप दे गीस।
गांव भालूकोना के चिल्हर व्यापारी विमल साहू (पिता लक्ष्मण साहू) के दुकान अउ गोदाम ले 162 बोरी धान अवैध रूप ले मिले म, ओला जप्त करके गांव के कोटवार ल सौंप दे गीस। अइसने तहसील पलारी म 8 कोचिया मन के दुकान के जांच करे गीस, जेमा गांव औरासी के यादव प्रसाद वर्मा के दुकान ले 28 बोरी अवैध धान जप्त करके गांव के कोटवार के सुपुर्दगी म दे दे गीस।
जनबा हे के कलेक्टर दीपक सोनी के निर्देश म अवैध धान परिवहन अउ भण्डारण समेत बिचौलिया मन ऊपर कड़ाई ले कार्यवाही करे जावत हे। एकर संग-संग धान के भौतिक सत्यापन घलो कराए जावत हे, जेमा कम धान मिले ले अतिरिक्त रकबा ल समर्पण कराए जावत हे।
संयुक्त जांच टीम ह करिस 227 क्विंटल अवैध धान जप्त
