रोजगार, जल संरक्षण अउ आजीविका बढ़ाये के सशक्त माध्यम बनिस मनरेगा
बलरामपुर, जनपद पंचायत बलरामपुर के ग्राम सरगढ़ी के रहवईया श्री रूपेंद्र तिर्की, महात्मा गांधी राष्ट्रीय ग्रामीण रोजगार गारंटी योजना (मनरेगा) के लाभार्थी आंय। ओमन बताथे के मनरेगा के अंतर्गत ओला डबरी के सुविधा मिले हे। डबरी निर्माण ले श्री तिर्की ह मछली पालन के काम शुरू करिस। मछली पालन ले ओला नियमित आमदनी के जरिया मिलिस हे, संग म ओखर परिवार के खाये-पीये (पोषण) के जरूरत घलो पूरा होये लगीस हे। डबरी म होये मछली ल ओमन घर म खाये के संग-संग स्थानीय बाजार म बेचे बर घलो उपयोग करथे, जेकर ले ओखर आर्थिक स्थिति म सुधार होये हे।
ओमन बताथे के डबरी के पानी के उपयोग ओखर तीर-तखार के खेत मन म सिंचाई बर घलो करे जावत हे। एकर ले फसल के पैदावार म बढ़ोत्तरी होये हे अउ खेती ऊपर भरोसा मजबूत होये हे। श्री तिर्की बताथे के जरूरत पड़े म आसपास के किसान मन ल घलो पानी दे जाथे, जेकर ले गांव म आपसी सहयोग अउ जल संरक्षण ल बढ़ावा मिले हे।
श्री रूपेंद्र तिर्की बताथे के मनरेगा के माध्यम ले मिले ए सुविधा ह ओला गांव म ही रोजगार उपलब्ध कराये हे। अब ओला काम खोजे बर बाहिर (पलायन) नइ जाये ल पड़य अउ वो ह अपन परिवार के संग बढ़िया जीवन बिता पावत हे। ओमन बताइन के मछली पालन अउ खेती ले 1 लाख 15 हजार रूपिया के आमदनी होये हे। मछली पालन अउ खेती ले मिले आय ह ओला आत्मनिर्भर बने के अवसर दे हे।
मनरेगा जइसन जनकल्याणकारी योजना मन ग्रामीण क्षेत्र म रोजगार, जल संरक्षण अउ आजीविका बढ़ाये के सशक्त माध्यम बनत हे, अउ गांव वाले मन ल आर्थिक रूप ले सक्षम बनाके समग्र ग्रामीण विकास के दिशा म महत्वपूर्ण भूमिका निभात हे।
