छत्तीसगढ़ म आवास निर्माण के गति आने राज्य मन बर रोल मॉडल, मोर गाँव मोर पानी महाअभियान जल सरंक्षण म महत्वपूर्ण योगदान
राज्य म दू साल म ही बनीस 8 लाख ले जादा मकान, 17 लाख 60 हजार आवास होइस पूरा, बस्तर संभाग म अटके विकास योजना ल पूरा करे बर बनही विसेस रणनीति
केंद्रीय कृषि अउ ग्रामीण विकास मंत्री श्री शिवराज सिंह चौहान ह करिन पंचायत अउ ग्रामीण विकास विभाग के कामकाज के समीक्षा
रायपुर, रोजगार अउ स्वावलंबी युक्त ग्राम पंचायत बनाना हमर सरकार के प्रमुख लक्ष्य हे। विकसित भारत गारंटी फॉर रोजगार एंड आजीविका मिशन ग्रामीण के लागू होए ले गाँव मन म विकास के रफ्तार तेजी ले बढ़ही। एकर बर हमन बजट म लगभग डेढ़ गुना जादा स्वीकृति प्रदान करे हवन। उप्पर कहे बात केंद्रीय कृषि अउ ग्रामीण विकास मंत्री श्री शिवराज सिंह चौहान ह कहिन।
श्री चौहान ह छत्तीसगढ़ म तेजी ले बनत आवास निर्माण के गति के बड़ई करत आने राज्य मन बर रोल मॉडल बताइन। उमन आवास निर्माण के संगेच गाँव-गाँव म चलाए गए मोर गाँव मोर पानी महाअभियान के घलो सराहना करत जल सरंक्षण म महत्वपूर्ण योगदान देहे के बात कहिन। उमन प्रदेश म अउ जादा लखपति दीदी के माध्यम ले महिला मन ल जादा ले जादा स्वसहायता समूह ले जोड़के आत्मनिर्भर बनाए अउ मजूरी (मजदूरी) भुगतान कोनो भी हाल म लंबित (अटके) नइ राखे के निर्देश प्रदेश के अधिकारी मन ल दे हें। एकर संग ही बस्तर संभाग म लंबित परियोजना ल पूरा करे बर विसेस रणनीति बनाए के निर्देश उच्च अधिकारी मन ल दे हें। उमन कहिन के बस्तर लंबा समय ले विकास ले दूरिहा रहिस हे। प्रधानमंत्री श्री नरेन्द्र मोदी के नेतृत्व म हम बस्तर के समग्र विकास बर आघू बढ़के काम करबो।
ए बेरा म श्री चौहान ह प्रधानमंत्री आवास योजना ग्रामीण, महात्मा गांधी राष्ट्रीय रोजगार गारंटी योजना, छत्तीसगढ़ राज्य ग्रामीण आजीविका मिशन बिहान, प्रधानमंत्री ग्राम सड़क योजना, पीएमजनमन अउ आरसीपीएलडब्ल्यूईए योजना मन के विस्तार ले समीक्षा करिन। उमन प्रदेश म एनआरएलएम म खाली पद मन म जल्दी भर्ती कराए के निर्देश प्रदेश के अधिकारी मन ल दे हें।
केंद्रीय कृषि अउ ग्रामीण विकास मंत्री श्री शिवराज सिंह चौहान ह आज मंत्रालय महानदी भवन म पंचायत अउ ग्रामीण विकास विभाग के गहिर समीक्षा बैठक लीन। ए दौरान मुख्यमंत्री श्री विष्णु देव साय, उपमुख्यमंत्री श्री विजय शर्मा अउ कृषि मंत्री श्री रामविचार नेताम उपस्थित रहिन।
बैठक म विभागीय अधिकारी मन ह जानकारी दीन के अभी राज्य म प्रधानमंत्री आवास बर 24.58 लाख के स्वीकृति मिले हे। जेमा ले 17.60 लाख आवास के निर्माण पूरा हो चुके हे। एकर संग ही पीएमजनमन के तहत 33,246 स्वीकृत म 18,373 पूरा, विसेस परियोजना आत्मसमर्पित नक्सली के 3416 मकान स्वीकृत करे गे हे। अभी सरकार गठन के बाद ही दू साल म ही 8.41 आवास निर्माण पूरा करे हे जे पूरा देस म अव्वल हे। लखपति दीदी के माध्यम ले अब तक प्रदेश म 8000 ले जादा महिला मन लखपति दीदी बने हें। एकर संग ही 5000 ले जादा राज्य म मिस्त्री मन ल प्रशिक्षण, डेढ़ लाख ले जादा आवास मन म रेनवाटर हार्वेस्टिंग सिस्टम लगाए गे हे। एखर संग ही प्रदेश म होवत नवाचार, क्यूआर कोड, दीदी के गोठ, छत्तीस कला के जानकारी दे गीस।
ए बैठक म मुख्य सचिव श्री विकासशील, मुख्यमंत्री के प्रमुख सचिव श्री सुबोध कुमार सिंह, सचिव पंचायत अउ ग्रामीण विकास विभाग श्रीमती निहारिका बारिक सिंह, लोक निर्माण विभाग के सचिव डॉ. कमलप्रीत सिंह सहित दिल्ली ले आए विभागीय अधिकारी मन उपस्थित रहिन।
