प्रभात मिश्रा बनिन छत्तीसगढ़ राजभाषा आयोग के अध्यक्ष, राज्य शासन ह जारी करिस आदेश

रायपुर, छत्तीसगढ़ शासन ह राज्य के राजभाषा ल अऊ जादा सशक्त अऊ प्रभावी बनाए के दिशा म बड़का कदम उठाए हे। शासन कोति ले प्रभात मिश्रा ल छत्तीसगढ़ राजभाषा आयोग के अध्यक्ष नियुक्त करे गए हे। एला लेके संस्कृति विभाग कोति ले आदेश घलोक जारी कर दे गए हे। जारी आदेश के मुताबिक राज्य शासन ह अपन निहित अधिकार मन के प्रयोग करत प्रभात मिश्रा ल ऊंखर कार्यभार ग्रहण करे के तारीक ले अवइया आदेश तक छत्तीसगढ़ राजभाषा आयोग के अध्यक्ष पद म नियुक्त करे हे।
शासन के ए फैसला ल राजभाषा के प्रचार-प्रसार अऊ शासकीय काम मन म छत्तीसगढ़ी के प्रभावी उपयोग ल बढ़ावा देहे के दिशा म अहम माने जात हे। नवनियुक्त अध्यक्ष प्रभात मिश्रा रायपुर जिला के टिकरापारा स्थित नंदी चौक क्षेत्र के रहवईया ये। प्रशासनिक अऊ सामाजिक क्षेत्र म ऊंखर अनुभव ल देखत शासन ह ओ मन ल ये महत्वपूर्ण जिम्मेदारी सौंपे हे।