जगदलपुर, देश के राष्ट्रपति श्रीमती द्रौपदी मुर्मू जी के आज बस्तर संभाग के मुख्यालय जगदलपुर म गरिमामय आगमन होइस। उमन इहाँ के ऐतिहासिक लालबाग मैदान म आयोजित होवइया तीन दिवसीय संभाग स्तरीय ‘बस्तर पण्डुम’ के शुभारंभ करे बर पहुँचे हें। मां दंतेश्वरी एयरपोर्ट म राष्ट्रपति श्रीमती मुर्मू के राज्यपाल श्री रमेन डेका अउ मुख्यमंत्री श्री विष्णु देव साय ह मयारू स्वागत करिन।
एयरपोर्ट म उप मुख्यमंत्री श्री विजय शर्मा, केंद्रीय राज्य मंत्री श्री तोखन साहू अउ वन मंत्री श्री केदार कश्यप ह राष्ट्रपति के अभिनंदन करिन। सांसद श्री महेश कश्यप, जगदलपुर विधायक श्री किरण सिंह देव अउ महापौर श्री संजय पांडे घलो राष्ट्रपति के अभिवादन करत हुए स्वागत करिन। ए बेरा म कमिश्नर श्री डोमन सिंह, पुलिस महानिरीक्षक श्री सुन्दरराज पी, कलेक्टर श्री आकाश छिकारा अउ पुलिस अधीक्षक श्री शलभ सिन्हा के संग अउ आन जनप्रतिनिधि मन घलो राष्ट्रपति के आत्मीय स्वागत करिन।
राष्ट्रपति द्रौपदी मुर्मू के जगदलपुर के मां दंतेश्वरी एयरपोर्ट म मयारू स्वागत
