एक महिना म 1628.60 लाख रुपया भेजिन
सरगुजा, जिला म प्रधानमंत्री आवास योजना (ग्रामीण) के तहत घर बनाय के काम म बड़का प्रगति देखे बर मिले हे। जिला म मंजूर कुल 1,02,210 घर मन म ले 80,296 घर पूरा हो गे हे, जेन 50 प्रतिसत ले जादा के उपलब्धि आय। ए महिना म 1,781 घर मन के निर्माण काम पूरा होय हे। काम ला तेजी देहे बर हितग्राही मन ला किस्त के पईसा आधार आधारित डीबीटी (DBT) के माध्यम ले सीधा उमन के बैंक खाता म समय म भेजे जावत हे।
वित्तीय बछर 2024-26 म मंजूर 36,306 घर मन म ले 18,782 घर पूरा हो गे हे। योजना के तहत हर हितग्राही ला 1.20 लाख रुपया के पईसा मंजूरी, प्लिंथ अउ पूरा होय के चरन म जियो-टैग ले जांच के बाद देहे जाथे। अभी तक 35,125 हितग्राही मन ला पहली किस्त (40,000 रुपया), 23,419 ला दुसरा किस्त (55,000 रुपया) अउ 10,367 हितग्राही मन ला तीसर किस्त (25,000 रुपया) दे देहे गे हे।
बीते एक महिना म 1,634 घर पूरा करत 1,349.05 लाख रुपया के राशि जारी करे गए हे। संगे-संग कुल प्राप्ति के 1,628.60 लाख रुपया हितग्राही मन के खाता म भेजे गीस। एखर अलावा मनरेगा के तहत 90 दिन के मजूरी अउ स्वच्छ भारत मिशन के तहत संडास (शौचालय) बनाय के बाद 12,000 रुपया के अलग ले मदद घलो देहे जात हे।
पीएम जनमन योजना के तहत जिला म 2,565 पहाड़ी कोरवा हितग्राही मन ला मंजूरी देहे गे हे, जेम ले 1,385 आवास पूरा हो गे हे। हर हितग्राही ला 2.00 लाख रुपया के सहायता राशि चार चरन म जारी करे जाथे। बीते एक महिना म 73 जनमन आवास पूरा होईस अउ 217 लाख रुपया के राशि जारी करे गीस।
मुख्यमंत्री आवास योजना (ग्रामीण) के तहत जिला म 1,024 घर मंजूर करे गे हे, जेमा ले 214 घर पूरा हो गे हे। पाछू एक महिना म 74 घर पूरा करत 62.55 लाख रुपया के राशि हितग्राही मन के खाता म भेजे गे हे।
घर बनाय म तेजी ला ठउका करे बर 45 आवास मित्र मन अउ 218 रोजगार सहायक मन ला कुल 61.97 लाख रुपया के इनाम (प्रोत्साहन राशि) देहे गे हे। अभी के बखत म जिला म कोनो हितग्राही के किस्त के पईसा रुके नइ हे, जेन प्रशासन के साफ अउ सक्रिय काम ला देखाथे।
घर बनाय ले जुड़े कोनो समस्या या सुझाव बर हितग्राही मन राज्य सासन कोति ले जारी मुफत हेल्पलाइन नंबर 1800-233-1290 म फोन कर सकथें।
