सोनी वर्मा ला मिलिस 1.82 लाख अंतर राशि, त रामप्रसाद बर बनिस होली यादगार तिहार
रंग के संग खुसहाली-मुख्यमंत्री विष्णुदेव साय ह किसान मन ला दीन बड़का सौगात
कबीरधाम, जिला के किसान मन बर ए पइत के होली सिरिफ रंग के नोहे, बल्कि बढ़ोतरी के तिहार बनके आय हवय। किसान उन्नति योजना के माध्यम ले मुख्यमंत्री श्री विष्णुदेव साय ह किसान मन के खाता म धान के अंतर राशि भेजके उमन के तिहार ला खास बना देहे हें। जइसेच किसान मन के मोबाइल म रुपिया जमा होय के मैसेज आइस, गांव-गांव म खुसी छा गे। ए योजना के सबले बने बात ए रिहिस के पइसा सीधा बैंक खाता म पहुंचिस, जेकर ले किसान मन ला दफ्तर के चक्कर नइ काटे ला परिस।
ग्राम नवडीह के किसान श्री सोनी कुमार वर्मा ह बताइन के उमन ए बछर लगभग 250 कुंटल धान बेंचे हें। होली के पहिली उमन के खाता म 1 लाख 82 हजार रुपिया के अंतर राशि जमा होय हवय। उमन खुसी जतावत कहिन के एकमुश्त रासि मिले ले उमन के होली अउ बने हो जाही। उमन बताइन के ए पइसा के उपयोग उमन गन्ना के खेती बर बने किसम के बीजा मंगाय म करिहीं, जेकर ले आघू चलके उमन के फसल अउ सुग्घर होही।
अइसने कबीरधाम जिला के ग्राम बानों के किसान रामप्रसाद पाली ह घलो योजना के तहत रासि मिले म खुसी जाहिर करिन। उमन कहिन के जइसेच मोबाइल म रासि जमा होय के संदेस मिलिस, परिवार म खुसी के लहर दउंड़ गे। होली कस बड़े तिहार के पहिली ए आर्थिक मदद उमन बर कोनो उपहार ले कम नोहे। रामप्रसाद पाली ह बताइन के ए रासि ले उमन खेती के जरूरी काम पूरा करिहीं अउ परिवार के जरूरत मन ला घलो पूरा कर पाहीं। उमन कहिन के योजना के पइसा सीधा खाता म आय ले उमन ला कोनो किसम के भागदौड़ नइ करे ला पिस। एखर ले किसान मन के सरकार ऊपर बिसवास अउ मजबूत होय हवय। किसान उन्नति योजना ह न केवल किसान मन के आर्थिक स्थिति ला मजबूती दे हवय, बल्कि तिहार के मउका म उमन के जिनगी म नवा खुसी घलो भर दे हवय।
