गंगरेल म 74% ले जादा जलभराव
धमतरी के चारों प्रमुख जलाशय म पानी के भारी आवक; सिंचाई अउ पिये के पानी के संकट टल गे
रायपुर, छत्तीसगढ़ म सक्रिय मानसून के झमाझम बरखा ले महानदी परियोजना (MRP कॉम्प्लेक्स) के जलाशय मन के दिन फिर गे हे। धमतरी जिला म स्थित प्रदेश के लाइफ-लाइन माने जइया गंगरेल (रविशंकर सागर), मुरूमसिल्ली, दूधावा अउ सोंढूर बांध म सरलग होवत भारी बरखा ले जलस्तर म रिकॉर्ड बढ़ोतरी दर्ज करे गे हे। बांध मन म पानी के ए बंपर आवक ले न सिरिफ किसान मन के चेहरा खिल गे हे, बल्कि राजधानी रायपुर समेत कई शहर मन बर पिये के पानी के चिंता घलो पूरा दूर हो गे हे। जल संसाधन विभाग डहर ले जारी ताजा आंकड़ा के मुताबिक, चारों प्रमुख जलाशय मन म कैचमेंट एरिया ले सरलग पानी आवत हे।
