मुख्यमंत्री श्री विष्णु देव साय के अगवाई मं जरूरतमंद मन ला मिलत हे सुरक्छित, सम्मानजनक अउ सुघर जिंदगी
जशपुर के सुनील पांडेय के बदलीस जिंदगी, कच्चा घर ले पक्का आशियाना तक के प्रेरक सफर
जशपुर, प्रधानमंत्री श्री नरेंद्र मोदी के बड़का योजना प्रधानमंत्री आवास योजना (ग्रामीण) प्रदेश के हजारों जरूरतमंद परिवार मन के जिंदगी मं सुघर बदलाव लावत हे। मुख्यमंत्री श्री विष्णु देव साय के अगुवई मं योजना के सही ढंग ले काम पूरा करे जात हे, जेकर नतीजा हे के गरीब अउ बिना घर वाले परिवार मन के कइ बछर जुन्ना पक्का घर के सपना पूरा होवत हे। ए योजना खाली एक ठन घर देहे तक सीमित नइ हे, भलुक मनखे मन ला सुरक्छा, सम्मान अउ सुघर भबिस के आधार घलो देवत हे।
जशपुर जिला के तपकरा के रहइया सुनील पांडेय के कहानी ए बदलाव के जीयत-जागता मिसाल हे। कभू ओकर परिवार कच्चा घर मं रहे बर मजबूर रहिस। पानी गिरय त छांधी चूहय, सामान भिंजय अउ असुरुक्षित माहौल ओकर मन बर हर बछर बड़ दुख के कारन बन जाय। परिवार के संग सुरुक्षित अउ सम्मानजनक जिंदगी के सपना आर्थिक तंगी के सेती अधूरा ही रह जाय।
मुख्यमंत्री श्री विष्णु देव साय के अगुवई मं चलत प्रधानमंत्री आवास योजना (ग्रामीण) के तहत सुनील पांडेय ला पक्का घर के स्वीकृति मिलिस। सरकार ले मिले सहायता के माध्यम ले ओ ह अपन नवा घर बनवाईस। आज ओकर परिवार सुरुक्षित, सफ़ा अउ सम्मानजनक माहौल मं जिंदगी बितावत हे।
सुनील पांडेय ह बताथे के पक्का घर मिले के बाद ओकर परिवार के सबले बड़का चिंता सिरा गे। अब पानी के दिन डेरावय नहीं, भलुक सुख-चैन लाथे। ओ ह प्रधानमंत्री श्री नरेंद्र मोदी अउ मुख्यमंत्री श्री विष्णु देव साय के प्रति आभार जतावत कहिस के प्रधानमंत्री आवास योजना ह ओकर परिवार ला खाली एक ठन घर भर नइ दीस, भलुक आत्मसम्मान, सुरक्छा अउ नवा बिस्वास के संग जिंदगी जिये के मउका घलो दीस।
प्रधानमंत्री आवास योजना प्रदेश के हजारों जरूरतमंद परिवार मन बर आस अउ बिस्वास के चिनहा बनके आगु आए हे। पक्का घर के माध्यम ले गरीब परिवार मन ला सम्मानजनक जिंदगी, सामाजिक सुरक्छा अउ सुघर भबिस के मजबूत आधार मिलत हे, जेकर से विकसित छत्तीसगढ़ के निर्माण ला नवा रफ़्तार मिलत हे।
