विष्णु भइया के ‘महतारी वंदन’ ले कोंडागांव के महिला मन ल मिलत हे आर्थिक संबल

CHHATTISGARHI NEWS: कोंडागांव, मुख्यमंत्री श्री विष्णु देव साय के अगुवइ मां चलत ‘महतारी वंदन योजना’ ले प्रदेश के लाखों महिला मन ल हर महीना एक हजार रुपिया के नियमित आर्थिक सहायता मिलत हे। हाले मां योजना के 30वां किस्त के राशि महिला मन के बैंक खाता मां पहुंच चुके हे। ए राशि ले महिला मन अपन घर-परिवार के रोज के जरूरत मन ल आसानी ले पूरा करत हवंय।
कोंडागांव जिला के सरगीपाल पारा के रहइया सोमबत्ती, झरना कोर्राम, सिंधु कोर्राम अउ शारदा कोर्राम ह बताइन के ए पइसा के उपयोग ओमन रोजमर्रा के जरूरी सामान, रसोई गैस, दवा अउ घर के छोट-मोट खरचा बर करत हवंय। हर महीना सीधा खाता मां पइसा आए ले ओमन के दूसर ऊपर निर्भरता कम हो गे हे। महिला मन अपन ‘विष्णु भइया’ के आभार जतावत कहिन के ए योजना ह ओमन ल आर्थिक सहारा देहे के संग आत्मसम्मान अउ आत्मनिर्भरता के रद्दा मां अघुवाए हें।