ग्राफ्टेड टमाटर के खेती ले बाढ़ीस भारती के आमदनी, 1.37 लाख रुपिया के होइस शुद्ध मुनाफा

Surabhi Tiwari

CHHATTISGARHI NEWS: महासमुंद, जिला के ग्राम गोंडपाली के स्नातक पास महिला किसान श्रीमती भारती बंसल ह धान के पारंपरिक खेती ल छोड़के आधुनिक उद्यानिकी फसल ग्राफ्टेड टमाटर के खेती अपनाए हे। राष्ट्रीय कृषि विकास योजना (वर्ष 2025-26) के तहत उद्यानिकी विभाग के मार्गदर्शन ले ओ ल 30 हजार रुपिया के अनुदान डीबीटी के माध्यम ले मिले रहिस। भारती ह अपन 0.40 हेक्टेयर सिंचित भूमि मां ड्रिप सिंचाई अउ मल्चिंग तकनीक ले टमाटर के खेती करिस।
ए आधुनिक तकनीक ले ओ ल लगभग 106 कुंटल टमाटर के उत्पादन मिलीस। 20 रुपिया प्रति किलो के दर ले बिक्री करे के बाद, 75 हजार रुपिया के लागत ल घटा के ओ ल लगभग 1 लाख 37 हजार रुपिया के शुद्ध मुनाफा होइस। भारती ह टमाटर के खेती ले मिले ए सुघर आय ले काफी संतुष्ट हवय।

लउछरहा..