बिलासपुर, बिलासपुर जिला के बिल्हा विकासखंड स्थित ग्राम कड़ार म 20 लाख रुपिया के लागत ले बनइया सामुदायिक भवन के भूमिपूजन कार्यक्रम आयोजित करे गीस। कार्यक्रम के मुख्य अतिथि राजस्व मंत्री श्री टंकराम वर्मा रहिन। ए मौका म पूर्व विधानसभा अध्यक्ष अउ विधायक श्री धरमलाल कौशिक, क्रेडा अध्यक्ष श्री भूपेंद्र सवन्नी अउ सरपंच ब्रजेश दुबे घलो उपस्थित रहिन।
समारोह ला संबोधित करत राजस्व मंत्री श्री वर्मा ह कहिन के भौतिक तरक्की के संग अपन समृद्ध परंपरा, संस्कृति अउ मानवीय मूल्य मन ला सहेज के रखना ही सच्चा विकास हे। उंखर कहना रहिस के छत्तीसगढ़ बने के बाद प्रदेश म सड़क, शिक्षा, स्वास्थ्य अउ बुनियादी सुविधा मन के तेजी ले विस्तार होए हे। आधुनिकता के दौर म हमन ला अपन संस्कार, आपसी भाईचारा अउ प्रेम ला बना के रखना जरूरी हे। उहें विधायक धरमलाल कौशिक ह कहिन के वरिष्ठ नेता मन के अनुभव अउ मार्गदर्शन ले संगठन अउ समाज सेवा के रद्दा म आगू बढ़े के प्रेरणा मिलथे।
भौतिक तरक्की के संग परंपरा अउ संस्कार ला सहेजना ही सच्चा विकास : मंत्री टंकराम वर्मा
