राखी के पहिली बहिनी मन ल मिलिस विष्णु भैया के उपहार, महतारी वंदन ले कांति के चेहरा म आइस मुस्कान

पेंड्रा, रक्षाबंधन के तिहार ले पहिली जब हाउसिंग बोर्ड कॉलोनी पेंड्रा के रहवइया श्रीमती कांति चंद्राकर के बैंक खाता म महतारी वंदन योजना के 30वां किस्त के राशि आइस, त ऊंखर खुशी दुगुना हो गे। ऊंखर बर ए राशि सिरिफ आर्थिक मदद न ही, बल्कि रक्षाबंधन म मुख्यमंत्री श्री विष्णु देव साय कोती ले मिले मया, सम्मान अऊ संबल के उपहार हे। कांति चंद्राकर ह कहिन के रक्षाबंधन ले पहिली विष्णु भैया ले बहनी मन ल मया मिल गे हे।
उमन बताइन के योजना के नियमित सहायता ले जरूरी खरचा आसानी ले पूरा हो जाथे। ए पइत रक्षाबंधन ले पहिली पइसा मिले ले तिहार के तियारी सहज हो गे हे। वो ह ए पइसा ले अपन भाई बर राखी अऊ तिहार के आन सामान बिसाहीं।
कांति चंद्राकर ह एक मध्यमवर्गीय परिवार ले हें अऊ ऊंखर पति इलेक्ट्रीशियन के काम करथें। पहिली ले मिले राशि ल बचाके उमन अपन बर लुगरा अऊ चांदी के पैरी घलोक बिसाए रहिन। उमन कहिन के मुख्यमंत्री श्री विष्णु देव साय के अगुवई म प्रदेश सरकार ह महिला मन के खुशहाली बर सरलग काम करत हे, जेखर से बहनी मन म आत्मविश्वास अऊ आत्मनिर्भरता बाढ़े हे।