जगदलपुर gurturgoth, प्रधानमंत्री उज्ज्वला योजना बस्तर जिला के ग्राम पंचायत हाट पदमूर के रहइया श्रीमती नीलो ठाकुर के जिनगी म बड़का बदलाव लाए हावय। योजना के लाभ मिले ले ओखर रंधनी खोली के कइ बछर जुन्ना तकलीफ दूर होगे हे। उज्ज्वला कनेक्शन मिले के पहिली नीलो ठाकुर ल पारंपरिक चूलहा म जेवन चुरोए खातिर जंगल ले सूखा लकड़ी बीने ल परत रहिस। चूल्हा के धुआं बीच घंटों खाना बनाथें। ए काम म ओखर बहुंत समय अउ शारीरिक श्रम खर्च होत रहिस, जेकरसे ओमन ल भारी परेशानी झेले बर परत रहिस।
प्रधानमंत्री उज्ज्वला योजना के तहत निःशुल्क एलपीजी गैस कनेक्शन मिले के बाद ओखर रसोई के पूरा तसवीर बदल गे हावय। अब ओ ह गैस चूल्हा म बहुत कम समय अउ आसानी ले भोजन तैयार करत हें। पारंपरिक चूल्हा के धुआं ले मुक्ति मिले के सेती रसोई साफ-सुथरा होगे हावय। लकड़ी बीने के झंझट खतम होए ले ओखर समय अउ श्रम दुनो के बचत होत हावय, जेकर उपयोग ओ ह परिवार के देखरेख अउ दूसर जरूरी काम मन म करत हे।
अपने जिनगी म आए ए सकारात्मक बदलाव ले प्रसन्न नीलो ठाकुर सरकार के प्रति आभार व्यक्त करत कहिथे के ए जनकल्याणकारी योजना ग्रामीण क्षेत्र के जरूरतमंद परिवार मन के जीवन ल सुगम बनावत हावय अउ महिला मन बर बड़का राहत साबित होत हावय।
बस्तर के नीलो ठाकुर के रंधनी ल मिलिस धुंगिया ले मुक्ति, उज्ज्वला योजना ले संवर गे जिनगी
