बस्तर के सुदर्शन बघेल के जिनगी ल बदलिस प्रधानमंत्री मत्स्य संपदा योजना, आधुनिक मछली पालन ले कमावत हे बढ़िया मुनाफा

CHHATTISGARHI NEWS: जगदलपुर gurturgoth, बस्तर जिला के दरभा विकासखंड के ग्राम रामपाल छिंदावाड़ा के रहइया किसान सुदर्शन बघेल प्रधानमंत्री मत्स्य संपदा योजना के लाभ लेके आत्मनिर्भरता के नवा मिसाल कायम करे हे। पहिली सुदर्शन पारंपरिक खेती अउ छोट कन डबरी म सीमित तरीका ले मछली पालन करत रहिस, जेकरसे ओखर आमदनी बहुत कम रहिस।
मत्स्य विभाग के योजना के जानकारी मिले के बाद ओ ह प्रधानमंत्री मत्स्य संपदा योजना के लाभ लेहे के फैसला करिस। अनुसूचित जनजाति वर्ग के तहत ओ ला सवा एकड़ क्षेत्र म तालाब निर्माण अउ इनपुट सहायता बर पास साढ़े पांच लाख रुपिया के लागत म 60 प्रतिशत अनुदान मिलिस। आर्थिक मदद के संग विभाग ले वैज्ञानिक तकनीक अउ मार्गदर्शन भी मिलिस, जेकर से ओ ह तालाब म वैज्ञानिक तरीका ले मिश्रित प्रजाति के मछली मन के पालन सुरु करिस।
बेहतर प्रबंधन के सेती बढ़िया क्वालिटी के मछली मन के उत्पादन होइस। सुदर्शन बिचौलिया मन के बजाय अपने गांव अउ आसपास के बाजार म सीधा ग्राहक मन ला मछली बेचिस, जेकरसे ओमन ला अच्छा दाम मिलिस अउ डेढ़ लाख रुपिया के प्रत्यक्ष विक्रय आमदनी अर्जित होइस। आज मछली पालन ओखर आजीविका के मजबूत आधार बन गे हावय, अउ ओ ह दूसर किसान मन बर प्रेरणा बनगे हें।