जीपीएम के रानू कैवर्त बिहान योजना ले बनिस लखपति दीदी, सिलाई ले लेके मुर्गी पालन अउ हैचरी ले कमावत हें लाखों रुपिया

CHHATTISGARHI NEWS: गौरेला-पेंड्रा-मरवाही (जीपीएम) gurturgoth, जिला के मरवाही विकासखंड के ग्राम अंडी के रहइया श्रीमती रानू कैवर्त स्व-सहायता समूह के सहयोग से आत्मनिर्भरता के नवा मिसाल कायम करे हे। शिव गुरु महिला स्व-सहायता समूह के सचिव रानू कैवर्त राष्ट्रीय ग्रामीण आजीविका मिशन (बिहान) ले जुड़के अपन हुनर अउ मेहनत ले आजीविका के कई साधन अपनाइस। ओ ह सिलाई अउ कपड़ा दुकान के संगे-संग किराना स्टोर, बटेर पालन, देशी मुर्गी पालन अउ हैचरी जइसे कई गतिविधि सुरु करिन। एकेच व्यवसाय उपर निर्भर रहे के बजाय कई काम अपनाए के सेती आज ओखर वार्षिक आमदनी लगभग 2 ले 3 लाख रुपिया तक पहुंच गे हावय, अउ ओ ह ‘लखपति दीदी’ के रूप म पहचान बना उरे हावंय।
रानू बताथे के समूह ले जुड़ना ओखर जिनगी के बड़का मोड़ रहिस, जेकर से ओ ला स्वरोजगार अउ आर्थिक मजबूती मिले हावय। महतारी वंदन योजना के नियमित आर्थिक सहायता ले भी ओखर परिवार ला सहयोग मिलत हावय। आज ओ न केवल अपन परिवार ला बेहतर भविष्य देवत हे, बल्कि गांव के दूसर महिला मन बर भी प्रेरणा बनगे हे। ए सफलता बर ओ ह प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करे हे।