महासमुंद के गुलझर के किसान गौरव कुठारे ग्राफ्टेड बैंगन की खेती ले कमावत हें लाखों रुपिया, आधुनिक तकनीक ले बढ़िस आमदनी

CHHATTISGARHI NEWS: महासमुंद gurturgoth, जिला के बागबाहरा विकासखंड के ग्राम गुलझर के रहइया किसान गौरव कुठारे पारंपरिक खेती के संग उद्यानिकी फसल मन ल अपनाके आत्मनिर्भरता के नवा मिसाल कायम करे हे। गौरव कुठारे अपन 1.60 हेक्टेयर खेत म सालभर टमाटर, बैंगन, सेम अउ गेंदा जइसे फसल मन के खेती करथे। ड्रिप अउ मल्चिंग जइसे आधुनिक तकनीक मन के उपयोग करके ओ ह उत्पादन लागत ला नियंत्रित करत हे अउ बढ़िया उत्पादन लेथे।
बछर 2025-26 म राष्ट्रीय कृषि विकास योजना के तहत ग्राफ्टेड बैंगन अउ टमाटर सीडलिंग प्रदर्शन घटक के अंतर्गत ओला एक एकड़ म ग्राफ्टेड बैंगन की खेती बर 30 हजार रुपिया के अनुदान डीबीटी के माध्यम से मिलिस। किसान गौरव बताथे के ग्राफ्टेड बैंगन के खेती से ओला करीब 23 टन उत्पादन मिलिस, जेला ओ ह लगभग 20 रुपिया प्रति किलोग्राम के दर से बेचिस। ए प्रकार ओला लगभग 2 लाख 65 हजार रुपिया के सकल आमदनी प्राप्त होइस। आधुनिक तकनीक अउ सरकारी योजना के सहयोग ले मिले ए सफलता ले ओखर आर्थिक स्थिति मजबूत होगे हावय, अउ ओ आसपास के किसान मन बर भी प्रेरणा बनगे हे, ओ अब दूसर किसान मन ला पारंपरिक खेती के संग सब्जी अउ उद्यानिकी फसल अपनाए बर प्रेरित करत हे।