अंबिकापुर के प्रदीप राम के जिनगी म आइस बदलाव, पीएम जनमन योजना ले मिलिस पक्का मकान

CHHATTISGARHI NEWS: अंबिकापुर। जिला के ग्राम पंचायत मलगवांखुर्द निवासी पहाड़ी कोरवा समुदाय के प्रदीप राम के परिवार ला प्रधानमंत्री जनजाति आदिवासी न्याय महाअभियान (पीएम जनमन) के तहत पक्का आवास मिल गए हे, जेकर से वोकर जिनगी म बड़का बदलाव आए हे। पहिली वो कच्चा खपरैल मकान म रहत रहिस, जिहां बरसात म छांधी ले पानी चूहे के समस्या सरलग रहय। सीमित आमदनी के मारे अपन खुद के पक्का मकान बना पाना वोकर खातिर बहुत मुश्किल रहिस।
पीएम जनमन योजना के तहत आवास मिले के बाद अब प्रदीप के परिवार एक सुरक्षित अउ पक्का आशियाना म रहत हे। परिवार म वोकर दू बेटी घलव हे, अउ अब पूरा परिवार सुरक्षित छत के तरी चैन के सांस लेत हें। बरसात के चिंता ले मुक्ति मिले के बाद पूरा परिवार म खुसी के माहौल हे। पक्का मकान मिले बर प्रदीप राम ह प्रधानमंत्री नरेंद्र मोदी अउ मुख्यमंत्री विष्णु देव साय के प्रति आभार व्यक्त करे हे। ‘सेवा संकल्प अभियान’ के तहत आगू आए ए कहानी बताथे के कइसे सरकारी योजना मन विशेष पिछड़ी जनजाति परिवार मन के जीवन म सुरक्षा अउ सुविधा लेके आवत हे।