पेंड्रा के निधि तिवारी लखपति दीदी बनके देखाइन रद्दा, पशुपालन अउ साग-भाी के खेती ले बाढ़िस आमदनी

CHHATTISGARHI NEWS: पेंड्रा विकासखंड के अमरपुर गांव के श्रीमती निधि तिवारी ह राष्ट्रीय ग्रामीण आजीविका मिशन ‘बिहान’ से जुड़के अपन परिवार के आर्थिक स्थिति मजबूत करे के बड़का मिसाल पेश करे हे। जून 2023 म ‘दीप महिला स्व सहायता समूह’ से जुड़े निधि ह चक्रिय निधि ले मिले 10 हजार रूपिया के सहायता से जर्सी गाय बिसाइस, जेकर से वोला रोजेच 15 लीटर दूध के उत्पादन ले नियमित आमदनी मिलिस।
एकर छै महीना बाद सामुदायिक निवेश निधि ले मिले 60 हजार रूपिया अउ अपन बचत ला जोड़के वो ह सब्जी बाड़ी के काम शुरू करिस। मार्च महिना म टमाटर (पताल) के फसल लगाके वोह 40 रूपिया प्रति किलो के दर से टमाटर बेचिस, जेकर से वोला बढ़िया आमदनी होइस। पशुपालन अउ सब्जी उत्पादन के समन्वय ले आज वोकर वार्षिक आमदनी करीब ढाई लाख रूपिया तक पहुंच गए हे।
समूह के सहयोग अउ विभागीय योजना मन के मदद ले निधि तिवारी ह आज ‘लखपति दीदी’ बनके अपन परिवार के सपना ला पूरा करत हे। ए कहानी बताथे के लगन अउ सही अवसर मिले ले ग्रामीण महिला मन कइसे आत्मनिर्भर बन सकत हें।