CHHATTISGARHI NEWS: बीजापुर, छत्तीसगढ़ सरकार द्वारा संचालित ‘सेवा संकल्प अभियान’ अऊ ग्रामीण विकास के विभिन्न योजना मन ह प्रदेश के किसान मन के जिनगी ला सुधारे म महत्वपूर्ण भूमिका निभावत हे। बीजापुर जिला के उसूर विकासखंड अंतर्गत ग्राम पेरमपल्ली निवासी शंकर सोढ़ी बर खेत म बने डबरी ह एक बहुत बड़का वरदान साबित होवत हे, जेन ओकर किसानी अऊ आमदनी दूनों ला बदल के रख देहे हे। पहिली पानी के कमी अऊ सिंचाई के बने साधन नई होए के सेती शंकर सोढ़ी के परिवार ला खेती किसानी म भारी कठिनाई के सामना करे बर परत रहिस। फसल के पैदावार ऊपर पानी के अभाव के बुरा असर परत रहिस अऊ आमदनी सीमित रहिस, जेकर सेती घर के गुजर-बसर करे म घलो भारी परेशानी आत रहिस।
फेर जब ले शासन के सहायता ले शंकर सोढ़ी के खेत म डबरी के निर्माण होगे, त ओखर खेती के पूरा तरीका ही बदल गे। अब डबरी म पानी संग्रह होए के सेती ओला सिंचाई बर ककरो ऊपर निर्भर रहे की जरूरत नई परत हे। समय म पानी मिले के सेती ओ अपन खेत म बढ़िया फसल के पैदावार ले पात हे। सिंचाई के सुविधा मिले के संगे-संग शंकर सोढ़ी ह डबरी म मछरी पालन के काम घलो सुरू कर देहे हे, जेकर से ओला उपरहा आमदनी मिलत हे। मछरी पालन अऊ खेती के दुगुना लाभ मिले ले ओकर आर्थिक स्थिति म सुघर सुधार आवत हे।
ए प्रकार के ग्रामीणोन्मुख योजना मन के जरिए सरकार ह किसान मन के जिनगी ल संवारे के जे संकलप लेहे हे, ओखर वास्तविक लाभ धरातल म दिखत हे। शंकर सोढ़ी जइसे किसान मन के सफलता के कहानी ए बात के प्रमाण हे के सही समय म मिले सरकारी सहयोग के सेती गरीब परिवार मन के जिनगी म सुग्घर उजाला आ सकथे।
नोट: फोटो प्रतीकात्मक है।
