CHHATTISGARHI NEWS: सरगुजा, जिला म चलाए जात ‘सेवा संकल्प अभियान’ के तहत ग्रामीण क्षेत्र मन म जल संरक्षण अउ आजीविका के नवा साधन तियार होवत हे। ए अभियान के एक सुग्घर उदाहरण एक ग्रामीण किसान के कहानी ले देखे ल मिलथे, जेन ह अपन खाली परे जमीन म ग्रामीण रोजगार योजना के मदद ले आजीविका डबरी बनवाय हे। पहिली ए जमीन म पानी के साधन नइ होए के सेती कोनो किसम के खेती-किसानी नइ हो पात रहिस अउ जमीन खाली परे रहिस। फेर अब डबरी बन जाए के बाद से बरसाती पानी के बढ़िया संग्रह होवत हे, जेकर से किसान ल खेती-किसानी अउ सिंचाई बर पानी के बड़का संबल मिल गे हे।
लोसगा गांव के कनी लाल बड़ा के डबरी खोदाए के बाद ले ओ ह डबरी म सिरिफ पानी संहेजे तक वोला सीमित नइ रखे हे, बल्कि ओ ह एमे मछली पालन के काम घलो सुरू कर देहे हे। मछरी मन मन के बढ़वार के बाद ओला बाजार म बेचके उपरहा आमदनी कमाए के योजना बनाए हे, जेकर से परिवार के आर्थिक जरूरत मन ल पूरा करे म बड़का मदद मिल सकय। एकरे संगे-संग डबरी म सकलाए पानी के उपयोग आसपास के जमीन म साग-भाजी अउ फसल के सिंचाई बर तको होवत हे। ए प्रकार एके जल संरचना के माध्यम ले किसान ल मछली पालन अउ खेती दूनोच काम बर दोहरा लाभ मिलत हे। शासन के ए जनकल्याणकारी योजना अउ सेवा संकल्प अभियान के सेती ग्रामीण परिवार मन के खाली परे जमीन अब आजीविका के मजबूत साधन बन गए हे, जेकर सेती ग्रामीण मन म खुशिहाली छा गे हे।
‘सेवा संकल्प अभियान’: बरसाती पानी ले बने आजीविका डबरी ह बदल दीस किसान के जिनगी, मछली पालन अउ खेती ल मिलिस नवा सहारा
