CHHATTISGARHI NEWS: गौरेला-पेंड्रा-मरवाही, प्राकृतिक सौंदर्य अउ वनौषधीय संपदा के चिन्हारी जिला गौरेला-पेंड्रा-मरवाही के वादी म आजकल एक नवा मम्हई बगरत हे। ये खुशबू सिरिफ लेमन ग्रास के नो हे, बल्कि आत्मनिर्भरता, समृद्धि अउ महिला सशक्तिकरण के हे। अमारू गांव म बिहान योजना ले जुड़ के महिला स्वसहायता समूह के दीदी मन लेमन ग्रास के खेती के जरिए ‘लखपति दीदी’ बने के दिशा म एक नवा शुरुआत करे हें।
प्रधानमंत्री श्री नरेन्द्र मोदी के ग्रामीण महिला मन ला आर्थिक रूप से सशक्त बना के ‘लखपति दीदी’ के रूप म आगू बढ़ाय के परिकल्पना ला मुख्यमंत्री श्री विष्णुदेव साय के नेतृत्व म छत्तीसगढ़ सरकार जमीनी स्तर म साकार करत हे। जनपद पंचायत पेंड्रा के ग्राम अमारू म गठित दस महिला स्वसहायता समूह के महिला मन लगभग बीस एकड़ भूमि म सामूहिक रूप से लेमन ग्रास के खेती शुरू करे हें। ए म ज्योति महिला समूह, महामाया समूह, जय संतोषी माता समूह अउ हनी समूह सामिल हें।
लेमन ग्रास एक सुगंधित अउ औषधीय पौधा हे, जेकर तेल के उपयोग कइ उत्पाद म होथे। ग्राम अमारू के महिला मन एखर खेती के बाद तेल निकाल के खुला बाजार अउ औषधीय संस्थान तक पहुंचाय के तैयारी करत हें। बिहान योजना ले जुड़े के बाद महिला मन ला पंद्रा हजार रुपिया के चक्रीय राशि, साठ हजार रुपिया के सामुदायिक निवेश निधि अउ बैंक लिंकेज के लाभ मिले हे। ए आर्थिक सहयोग के बल म महिला मन अब लेमन ग्रास के खेती के संग सेंटरिंग प्लेट व्यवसाय, टेंट हाउस, सब्जी बाड़ी अउ किराना दुकान जइसे गतिविधि घलो करत हें, जेखर से ओमन के परिवार आर्थिक रूप से मजबूत होवत हे।
अमारू गांव म लेमन ग्रास के खेती ले मम्हाइस जिनगी, लखपति दीदी बने के रद्दा म बढ़त हें गांव के महिला
