भीष्म टी-90 टैंक संग आन आर्टिलरी पहुंचीस राजधानी
कलेक्टर डॉ गौरव सिंह, एसएसपी श्री संतोष सिंह संग आन अधिकारी मन ह करिन स्वागत
रैली के रूप म शहर के कई ठन मार्ग ले होके पहुंचीस साइंस कॉलेज मैदान
रायपुर, मुख्यमंत्री श्री विष्णुदेव साय के पहल म आयोजित होवइया भव्य सैन्य समारोह बर आज राजधानी रायपुर पहुंचे भारतीय सेना के भीष्म टैंक अऊ आन आर्टिलरी के शानदार स्वागत करे गीस। एखर बाद एक रैली के रूप म टैंक अउ सैन्य उपकरण मन के काफिला रायपुर शहर के तेलीबांधा, मरीन ड्राइव, कलेक्ट्रेट, जयस्तंभ अऊ आश्रम चौक होत साइंस कॉलेज मैदान तक पहुंचिस। शहर के नागरिक मन म एला लेके ख़ासा उत्साह रहिस। सैकड़ों मनखे ए शानदार रैली ल मोबाइल ले कैप्चर करत दिखीन। पूरा रैली म सामिल वाहन मन म तिरंगा लहरात रहिस।
जानबा हे कि राजधानी के साइंस कॉलेज मैदान म 05 ले 06 अकटूबर ल होवइया भव्य सैन्य प्रदर्शनी समारोह के तैयारी जोरों म हे। ये मां सामिल होए बर भारतीय सेना के सैन्य हथियार आज राजधानी पहुंचे हे, जेमां भीष्म टी-90 टैंक, बीएमपी, एल-70, जेएडयू-23, स्ट्रेला अऊ लोरोस सामिल हे। एकर इंदिरा गांधी कृषि विश्वविद्यालय ज़ोरा के मुख्य गेट म भिनसरहा कलेक्टर डॉ. गौरव सिंह, एसएसपी श्री संतोष सिंह, नगर निगम आयुक्त श्री अबिनाश मिश्रा, जिला पंचायत सीईओ श्री विश्वदीप संग आन अधिकारी मन ह स्वागत करिन। भीष्म टैंक अऊ दूसर सैन्य उपकरण ल वाहन संग फूल-माला ले सजाए गए रहिस।
