मोर गांव मोर पानी अभियान बनिस जनअभियान

जलसंरक्षण के दिशा म एक ऐतिहासिक पहल
जनसहयोग अऊ श्रमदान ले बलरामपुर जिला म लक्ष्य ले जादा बनिस 1.22 लाख सोख्ता गड्ढा
बलरामपुर, छत्तीसगढ़ के बलरामपुर जिला म जल संरक्षण ल जन आंदोलन के स्वरूप मिले हे। “मोर गांव मोर पानी” अभियान के तहत जिला म जनसहयोग अऊ श्रमदान ले 1 लाख 22 हजार 455 सोख्ता गड्ढा के निर्माण करे गए हे। ये उपलब्धि पूर्व निरधारित लक्ष्य 1 लाख 20 हजार ले घलोक जादा हे, जेन प्रशासनिक नेतृत्व अऊ जनता के सहभागिता के सशक्त प्रमाण हे।
जिला प्रशासन के पहल ले ये अभियान न केवल प्रशासनिक प्राथमिकता बने हे, बल्कि गांव-गांव म मनखे मन के चेतना अऊ सहभागिता ले एक जनआंदोलन म बदल गए हे।
जिला कलेक्टर के मार्गदर्शन म जिला पंचायत सीईओ ह अभियान के निगरानी करत ग्राम पंचायत स्तर तक एखर पहुंच सुनिश्चित करे हे। ओ मन खुदे गांव मन म पहुंचके सोख्ता गड्ढा निर्माण काम मन के अवलोकन करके गांव वाले मन ले गोठबात करत हें। उमन न केवल मनखे मन ल प्रेरित करत हें, भलुक खुदे निर्माण काम म भागीदारी करके एक मिसाल पेश करे हें।
अभियान के सबसे विशेष बात ये रहे हे के ये मा कोनो मशीनरी उके पयोग नइ करे गए हे। मनखे मन ह अपन हाथ ले गड्ढा मन के खुदाई करे हें अऊ स्थानीय सामान जइसे पत्थर, टूटे ईंटा अऊ रेत के उपयोग करके सोख्ता गड्ढा तैयार करे हें। येमा प्रधानमंत्री आवास के हितग्राही मन अऊ महिला स्व-सहायता समूह मन ह घलोक उत्साहपूर्वक भाग लेहे हें।
गांव के भिथिया म जल संरक्षण संबंधी स्लोगन, जइसे – “बारिश के पानी बचाओ, भूजल के स्तर बढ़ाओ” – लिखके अऊ पोस्टर-बैनर के माध्यम ले अभियान ल व्यापक प्रचार मिले हे। ये पहल केवल जल संकट ले निपटे के समाधान न ही, बल्कि भूजल स्तर म दीर्घकालीन सुधार के दिशा म प्रभावी कदम माने जात हे।